Амрико ба мардуми эҳтиёҷманд дар Афғонистон ва минтақа 308 миллион доллар ёрии башардӯстона мерасонад. Дар ин бора Сафорати ИМА дар Душанбе хабар дода гуфтааст, ин ёриҳо мустақиман ба мардуми Афғонистон дар соли 2022 расонида мешавад.
Охири соли 2021 ЮНИСЕФ ва Барномаи озуқавории ҷаҳонии СММ аз баъдтар шудани вазъи иқтисодӣ ва иҷтимоӣ дар Афғонистон ҳушдор дода гуфта буд, ба миллионҳо нафар кӯдакони афғон гуруснагӣ ва марг таҳдид мекунад. Бисёре аз афғонҳо маҷбуранд фарзандони хурдсоли худро бифурӯшанд, то боқимонда аъзои хонаводаро бо хӯрок таъмин кунанд. Тибқи арзёбии СММ, аввали соли 2022 зиёда аз 90 дарсади афғонҳо метавонанд зери хатти фақр қарор гиранд.
Сафорати Иёлоти Муттаҳидаи Амрико дар Душанбе дар хабарномае дар саҳифаи фейсбукияш гуфт, Амрико бар тааҳуди устувори худ барои кӯмак ба афғонҳои эҳтиёҷманд дар Афғонистон ва минтақа таъкид мекунад. Дар назар аст соли 2022 USAID, як созмони байналмиллаии Амрико ба мардуми эҳтиёҷманди Афғонистон 308 миллион доллар кӯмаки башардӯстона расонад.
Дар ин хабарнома гуфта мешавад, ки Амрико ба унвони бузургтарин таъминкунандаи кумакҳои башардӯстона дар Афғонистон боқӣ мемонад. Маблағи ҷудошудаи маҷмӯи кӯмакҳои башардӯстонаи ИМА барои Афғонистон ва паноҳҷӯёни афғонистонро аз моҳи октябри соли 2020, ба ҳудуди 782 миллион доллар мерасонад”.
Баъди суқути ҳукумати Ашраф Ғанӣ аз 15-уми августи соли гузашта қудрат ба дасти ҳукумати Толибон афтод ва вазъи иқтисодиву иҷтимоӣ дар ин кишвар баъдтар шуд. Афғонистон аз кумакҳои ИМА, Бонки ҷаҳонӣ ва Хазинаи байнулмилалии асъор маҳрум шуд ва дар кишваре, ки ҳиссаи маблағгузории хориҷӣ то ба 40%-и ММД мерасид, буҳрони шадиди башардӯстона рӯйи кор омад. Аксарият бекор монда, шахсоне, ки кор мекарданд, чандин моҳ аст, ки маош намегиранд. Тибқи арзёбии СММ, аввали соли 2022 зиёда аз 90%-и афғонҳо метавонанд зери хатти фақр қарор гиранд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста