Толибон* дастур додаанд, ки ба занон дигар иҷозаи вуруд ба боғҳои тафреҳиро надиҳанд. Ин фармон пас аз як эълони васеътаре, ки дастрасӣ ба ҷойҳои ҷамъиятиро маҳдуд мекунад, содир шуд.
"Полиси ахлоқи"-и гуруҳи Толибон рӯзи чаҳоршанбе дастур додааст, ки аз ин пас дар Афғонистон ба занон иҷозаи вуруд ба боғҳои тафреҳӣ дода нашавад. Дар ин бора “DW” хабар медиҳад.
Ин мамнӯъият ба як қатор маҳдудиятҳои озодии занони Афғонистон, ки аллакай бо он рӯбарӯ ҳастанд, илова мешавад, зеро Толибон пас аз бозгашт ба қудрат дар моҳи августи соли 2021 маҳдудиятҳоро ҳамвора дар ҳаёти ҷамъиятии зҳанону духтарон афзоиш медиҳанд.
Сухангӯи вазорати амр ба маъруфи Толибон ба хабаргузории “DW” тасдиқ кардааст, ки ба занон иҷозаи вуруд ба боғҳои тафреҳӣ манъ аст.
Ду корманди парк, ки ба далели амниятӣ нахостаанд номҳояшон ифшо шавад, ба хабаргузории Reuters гуфтаанд, Толибон ба онҳо фармон додаанд, ки занонро ба боғҳои худ иҷоза надиҳанд.
Дар ҳамин ҳол, қаблан вазорати амр ба маъруфи Толибон қарореро содир карда буд, ки гуфта мешуд, боғҳо бояд аз рӯи ҷинс ҷудо карда шуда, чанд рӯз барои занон низ ихтисос дода шавад.
Ин қарор бештар дар ҳама боғҳои тафреҳӣ, аз ҷумла ҷойҳои кушод ва ҳаммомҳои ҷамъиятӣ татбиқ карда мешавад.
Ин гурӯҳ ҳамчунин ба занон гуфтааст, ки бидуни хешовандони мард аз хона берун нашаванд ва рӯяшонро пӯшанд.
Занон ҳамчунин аз вазифаҳои хизматии давлатӣ хориҷ карда шудаанд, ба истиснои ҳолатҳое, ки мардон онҳоро дар соҳаи маориф, тандурустӣ ва баъзе самтҳои фаъолияти полис ишғол карда наметавонанд.
Ин ҳама дастурҳои маҳдудкунандаи ҳуқуқи занон дар Афғонистон дар ҳоле пурзӯр мешавад, ки Толибон ваъдаи эҳтиром ба ҳуқуқи занро додаву ваъда ҳам супоридаанд, ки дар оянда шароити зисти озодонаи занонро таъмин хоҳанд кард. Иддаое, ки аксарият ба он бо шубҳа менигаранд ва бовар надоранд.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста