Ба додрасҳои Афғонистон амр шудааст, ки ҳангоми мурофиа ва содир кардани ҳукмҳои худ ба қонунҳои шариати ислом такя кунанд: ба ҷиноятҳое мисли дуздӣ, ғоратгарӣ, зино, истеъмоли машрубот ва муртад гунаҳкорон бо буридани дасту пой ва сангсор кардани омма ҷазо дода мешавад. Ин амрро Ҳайбатулло Охундзода, раҳбари Толибон* додааст.
Забеҳулло Муҷоҳид, сухангӯи “Толибон” бо тасдиқи ин хабар дар “Твиттер” навишт, ки ба додрасҳо дастур дода шудааст, ки аломатҳои нақзи қонунҳои муқаддаси исломиро дар ҷиноятҳо бодиққат муайян кунанд.
Охундзода амр додааст, ки додрасҳо метавонанд дуздон, одамрабоён ва фитнагаронро дар ҷойи сар задани ҷиноят ҳукм ва ҷазо диҳанд.
Ин амри тозаи Толибон нест, онҳо ба амалҳое бармегарданд, ки пас аз расидан ба қудрат дар солҳои 1996-2001 иҷро карда буданд. Он замон онҳо низ қатлҳои бераҳмонаи оммавӣ ва ҷазоҳои саҳроӣ ҷорӣ карда буданд. Ин яке аз далелҳоест, ки мардуми Афғонистонро ба куллӣ аз Толибон дур кардааст.
Толибон дар моҳи августи соли гузашта пас аз хуруҷи нерӯҳои НАТО аз Афғонистон ба қудрат баргаштан ва ба ҷомеи ҷаҳонӣ ваъда доданд, ки ин маротиба мӯътадилтар ҳукмронӣ мекунанд, аммо дар асл онҳо ҳама гуна озодиҳо, бахусус ҳуқуқи занонро саркӯб мекунанд.
Ҳафтаи гузашта Толибон сайругашти занон ба боғҳои фароғатиро мамнӯъ карда, онҳоро аз ҳаёти ҷамъиятӣ боз ҳам маҳрум карданд. Ҳамчунин, шурӯъ аз ҳафтаи гузашта, аз рафтани сокинони Кобул ба ҳаммом ва толорҳои варзишӣ, ки даромадан ба ин муассисаҳо аллакай аз рӯи ҷинсият тақсим мешавад, манъ кардаанд.
Ҳоло ин ҷойҳо барои афғонҳо комилан дастнорасанд. Толибон мамнӯъияти комилро бо он рабт медиҳанд, ки ҳузури занон дар чунин ҷойҳо ба қавонини исломӣ мувофиқ нест.
Ба занон сафар кардан ба масофаҳои дур бидуни ҳамроҳии мард манъ аст. Духтарони наврас бо вуҷуди ваъдаи Толибон дар бораи иҷозаи идомаи таҳсил ба онҳо то ҳол дар аксари манотиқи Афғонистон ҳаққи таҳсил надоранд. Теъдоди ками занон дар соҳаи тандурустӣ ва маориф кор мекунанд.
Моҳи майи соли ҷорӣ низ фармоне содир шуда буд, ки бо чеҳраи кушода дар кӯча ҳозир шудани занони афғонро манъ мекунад.
Дар Кобул занон борҳо ба хотири дифоъ аз ҳуқуқи худ эътироз карданд, бархе аз онҳо аз ҷониби афроди Толибон шадидан латукӯб шуданд.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Кулли ахбор
Авторизуйтесь, пожалуйста