Ҳайбатуллоҳ Охундзода, раҳбари гурӯҳи Толибон*, аз амалкарди “ҳукумат”-и зери роҳбарии худаш интиқод карда, онро “муомилагар” хондааст. Дар ин бора рӯзномаи “8-и субҳ” хабар медиҳад.
“Мулло Ҳайбатуллоҳ дар як навори савтӣ, ки замони сабти он мушаххас нест ва рӯзи панҷшанбе, 2-юми март, дар шабакаҳои иҷтимоӣ нашр шуд, аз навъи “ҳукумати Толибон” интиқод карда, афзудааст “ин ҳукумат нест, муомилагарӣ аст”, - навиштааст рӯзнома.
Ба гуфтаи ӯ, ин ҳукумати муомилагар ба нафъи теъдоде аз афрод буда, дар он “муомила ҷараён дорад”.
Ҳайбатуллоҳ хитоб ба зердастони худ гуфтааст, “аз хоҳишҳои худ сарфи назар кунед ва ҳама хоҳишҳои худро тобеъи шариат кунед, ки бартариҷӯӣ ба ноамнӣ оварда мерасонад”.
Мушаххас нест, ки мухотабони суханони роҳбари Толибон киҳо будаанд, аммо дар рӯзҳои ахир ихтилофот миёни сарони ин гурӯҳ беш аз пеш авҷ гирифтааст.
Қабл аз ин, Яъқуб Муҷоҳид, сарпарасти вазорати дифоъ ва Сироҷуддин Ҳаққонӣ, сарпарасти вазорати умури дохила низ дар суханрониҳои хеш бидуни зикри номи роҳбари худ, аз сиёсатҳои ҷории Толибон интиқод карда, гуфта буданд, ки “инҳисори қудрат ва таҳмили дидгоҳ ба суди Толибон нест” ва “бо чашмони баста аз касе итоат накунанд”.
Ба дунболи ин изҳоротҳо, Забеҳуллоҳ Муҷоҳиб, сухангӯи Толибон рӯзи панҷшнбе, 2-юми март, бо нашри хабарнома иттилоъ дод, ки Ҳайбатуллоҳ Охундзода бо вазирони дохила, дифоъ, хориҷа ва мухобироти толибон дидор кардааст.
Забеҳуллоҳ Муҷоҳид, сухангӯи гурӯҳи Толибон рӯзи панҷшнбе, 2-юми март, бо нашри хабарномае аз дидори Мулло Ҳайбатуллоҳ бо Яъқуб Муҷоҳид ва Сироҷуддин Ҳаққонӣ мулоқот ва гуфтугӯ кардааст.
Бояд гуфт, ки ин аввалин мулоқоти роҳбарони Толибон пас аз эҷоди ихтилоф ва танишҳои лафзӣ миёни онҳо мебошад. Аммо Забеҳулло Муҷоҳид дар хусуси муҳтавои суҳбати онҳо иттилои бештар надодааст.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста