Дар пайи ҳамлаи мушакии Ҳамос ба гузаргоҳи Карим Шолум, Исроил аз фаластиниҳо хостааст, ки пеш аз ҳамлаи тарҳрезишудаи ин кишвар маҳаллаҳои шарқии Рафаҳро тахлия кунанд, менависад “8-и субҳ”.
Ба гузориши хабаргузории Ройтерз, артиши Исроил имрӯз, 6-уми май, гуфтааст, ки фаластиниҳо бояд ба минтақаи бемористонҳои саҳроӣ ва урдугоҳҳои башардӯстона барои оворагон дар Ал-Мвасӣ ва Хон Юнус бираванд.
Артиши Исроил аз шаби гузашта ба ин сӯ бо партофтани варақаҳо, ирсоли паёмҳо ба мардуми Ғазза аз тахлияи маҳаллаҳои шарқии Рафаҳ хабар додааст.
Артиши Исроил дар баёнияе гуфтааст, ки “нерӯҳои мусаллаҳи Исроил дар ҳама ҷойи Ғазза ва то замони бозгашти ҳамаи гаравгонҳои дар дасти Ҳамос буда, таъқиби ин гурӯҳро идома хоҳад дод”.
Ин дар ҳолест, ки дар пайи ҳамлаи мушакии Ҳамос ба як пойгоҳи низомии исроилӣ дар гузаргоҳи Керем Шалом дастикам се сарбози исроилӣ кушта шудаанд.
Чанде пас аз ҳамлаи Ҳамос ба гузаргоҳи Карим Шолум, ба гуфтаи мақомоти фаластинӣ, дар натиҷаи ҳамлаи ҳавоии Исроил дар Рафаҳ 9 фаластинӣ, аз ҷумла як кӯдак кушта шуданд.
Бар асоси ин гузориш, дар ҳамлаҳои дирӯзи Исроил низ беш аз 19 фаластинӣ кушта шудаанд.
Дар ҳоле ки беш аз як миллион фаластинӣ дар Рафаҳ дар наздикии марзи Миср паноҳ бурдаанд, Исроил гуфтааст, ки ба ин минтақа ворид мешавад.
Поёни музокироти оташбас ва оғози ҳамалоти густурда ба Рафаҳ
Дар пайи ҳамлаҳои дирӯз дар ҳарду тараф дар ҷанги Ғазза, ки боиси кушта шудани се сарбози исроилӣ ва беш аз 19 фаластинӣ шуд “бадбинии фазояндае” дар хусуси расидан ба як тавофуқи оташбас дар музокироти байни Исроил ва Ҳамос дар Қоҳира вуҷуд дорад.
Ин дар ҳолест, ки ба иттилои расонаҳо дар музокироти ду рӯзи ахир дар роҳи расидан ба оташбас пешрафти зиёде ҳосил нашудааст ва дирӯз ҳайати Ҳамос барои "машварат" аз Қоҳира ба Давҳа рафтааст.
Вилям Бернс, раиси Идораи CIA-и Амрико, ки яке аз миёнаравҳои аслии ин музокирот буд, аз Миср ба Қатар рафтааст.
Гузоришҳо нишон медиҳанд, ки даври нави музокирот имрӯз аз ҷониби Миср баргузор мешавад.
Хабаргузории Франс Пресс гузориш додааст, ки Исроил ва Ҳамос дар ин музокироти ғайримустақим ба хостаҳои худ боқӣ мондаанд ва омода нестанд дар мавриди талабҳои калидӣ созиш кунанд.
Ёдовар мешавем, ки дар ҳамлаҳои Ҳамос рӯзи 7-умиоктябр ба Исроил 1200 нафар кушта ва ҳудуди 240 нафар гаравгон гирифта шуданд.
Масъулини беҳдошти Ғазза гуфтаанд, ки аз 7-уми октябр дар ҷараёни амалиёти ҷавобии Исроил беш аз 30 ҳазор нафар кушта шудаанд.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста