Охири ҳафтаи гузашта якбора 50 нафар мансабдор аз вазифаҳояшон дар Вазорати молияи Ӯзбекистон озод карда шуданд.
Бино ба иттилои нашрияи Kun.uz, аз ҷумлаи роҳбарони сатҳи болоӣ аз сардори департаменти сиёсати андозу гумрук Ирина Голишева ва департаменти методологияи баҳисобгирии муҳосибӣ ва аудит Шарофиддин Ҳайдаров ном бурда шуда, ҳамчунин ду нафар муовинони сардорони департаментҳо низ аз мансаб сабукдӯш шудаанд.
Гуфта мешавад, президенти Ӯзбекистон Шавкат Мирзиёев ба вазири молияи ин кишвар Ҷашед Қӯчқоров супориш додааст, ки дар муддати 10 рӯз вазоратро аз кормандони беинсоф поккорӣ намуда, ба ҷойи онҳо «ҷавонони ватандӯст»-ро ба кор ҷалб намояд. Дар сурати иҷро нашудани ин супориш, ба худи Қӯчқоров аз кор озодшавӣ таҳдид мекард.
Қобили зикр аст, ки бинобар сабаби камбуди буҷет ва дигар норасоиҳо дар фаъолият давоми соли равон, президенти Ӯзбекистон норозигӣ изҳор намуда, зикр кард, ки дар сурати ба нокомӣ дучор шудани ислоҳот, шахсан барои ба истеъфо рафтан омода аст.
«Ё ҳамаашро ислоҳ мекунам, ё меравам. Зиёда аз 20 сол аст, ки мо бо сабаби дар Вазорати молия фаъолият доштани одамони «оқилу доно» ба мардум нишондиҳандаҳои нодуруст медодем», - изҳор дошааст Шавкат Мирзиёев.
В Британии задержаны первые мигранты для депортации в Руанду
В Курской области России мигрантам запретили работать в такси
Из-за маленькой зарплаты мелиораторы Таджикистана уходят из отрасли
В США умер еще один свидетель, рассказавший о дефектах самолетов Boeing
Экс-глава МВД Казахстана арестован на два месяца
Душанбе и "Большой шлем": кто претендует на медали турнира?
МИД Кыргызстана рекомендовал гражданам отказаться от поездок в Россию
Глава МИД Таджикистана принял посла Соединенных Штатов Америки
«Глобальный саммит мира» по формуле Зеленского. Чего от него ожидать?
Салом алейкум, Таджикистан! Анонсы событий, день в истории, прогноз погоды на 3 мая 2024 года
Все новости
Авторизуйтесь, пожалуйста