Шавкат Мирзиёев, ки аз соли 2016 зимоми қудратро дар Ӯзбекистон дар даст дошт, аз ҷониби Комиссияи марказии интихоботи ин кишвар, бори дигар ғолиби интихоботи президентӣ эълон гардид.

Интихоботи пеш аз муҳлати президентӣ дар Ӯзбекистон дирӯз, 9-уми июл баргузор ва натиҷаҳои аввалияи он имрӯз эълон шуд. Дар ин бора хабаргузории kun.uz хабар медиҳад.

Шавкат Мирзиёев 87,5 дарсад ё беш аз 13, 6 млн раъйро соҳиб гардид ва ғолиби интихобот муаррифӣ шуд.

Рақибони ӯ ҳамагӣ овози хеле ночизро ба даст оварданд ва ягон нафари онҳо ҳатто марзи 5 дарсадро убур накард.

Улуғбек Иноятов аз Ҳизби халқии демократӣ – 4,2 дарсад;

Робахон Маҳмудова аз Ҳизби сотсиал-демократии “Адолат” – 4,43 дарсад;

Абдушукур Ҳамзаев аз Ҳизби экологӣ - 3,74 дарсад овозро соҳиб шуданд.

Комиссияи марказии интихоботи Ӯзбекистон эълон кард, ки дар интихоботи президентӣ 15,6 млн нафар ё 79,8 дарсади онҳое, ки ҳаққи интихоб доштанд, иштирок кардаанд.

Намогирифт

Баъди эълони натиҷаҳои интихобот ва пирӯзии Шавкат Мирзиёев дар он Эмомалӣ Раҳмон, Президенти Тоҷикистон ба ӯ занг зад ва бо ғолибият табрик гуфт.

Дар барқияи шодбошӣ Эмомалӣ Раҳмон ба Шавкат Мирзиёев аз ҷумла гуфта мешавад: “Натиҷаҳои ин рӯйдоди муҳими сиёсӣ далели равшани нуфузи баланди Шумо, эътимод ва ҳимояи қавии мардуми Узбекистон аз роҳи стратегиатон мебошад, ки ба навсозии устувори иҷтимоию иқтисодии кишвар ва тақвияти пайвастаи мавқеи он дар арсаи байналмилалӣ нигаронида шудааст”.

Дар Telegram, Facebook, Instagram, OK ва ВК бо мо бимонед.