Ҳукумати Тоҷикистон барои ҳар кадоме аз саҳмияҳои “Сангтӯда” ба аҳолӣ ва ташкилоту корхонаҳо 100 сомонӣ (10,5 доллар) маблағ пардохт мекунад.
Бар асоси қарори ҳукумат гурӯҳи корӣ таъсис ёфта, он ба масъалаи харидории саҳмияҳои ҶСШК “Сангтӯа” бо арзиши номиналии онҳо машғул аст, хабар дод зимни нишасти матбуотии рӯзи 5 феврал раиси “Амонатбонк” Сироҷиддин Икромӣ.
Бино ба гуфтаи ӯ, соли 1996, замоне, ки ҳоло пули миллии тоҷикӣ – сомонӣ набуд, ҳар як саҳмияи “Сангтӯда” бо арзиши 3 ҳазор рубли тоҷикӣ фурӯхта мешуд.
Бино ба гуфтаи ӯ, соли 2000 баъди гузаштан ба асъори нав, ин 3 ҳазор руббл ба 3 сомонӣ (1 сомонӣ = 1000 рубли тоҷикӣ) баробар шуд.
Аммо, таъкид дошт ӯ, сарвари давлат дастур додааст, ки барои ҳар як саҳмия ба ҷойи 3 сомонии муқарраршуда 100 сомонӣ пардохта шавад.
Икромӣ қайд кард, ки ҷараёни харидории саҳмияҳои “Сангтӯда” аз аҳолӣ ва ташкилоту корхонаҳо тавассути филиалҳои “Амонатбок” дарҳол пас аз дастрас шудани воситаҳо оғоз мегардад.
“Мо коршиносоне дорем, ки ҳақиқӣ (аслӣ) будани ҳар як саҳмияро муайян мекунанд”, иброз дошт Икромӣ.
Раиси “Амонтабонк” илова намуд, ки ҳамагӣ зиёда аз 97 ҳазор саҳмияҳои “Сангтӯда” фурӯхта шудааст.
ҶСК «Нерӯгоҳи обӣ-барқии Сангтӯда-1» корхонаи муштараки Тоҷикистону Русия аст, ки соли 2006 бо мақсади анҷоми сохтмон ва истифодаи минбаъдаи нерӯгоҳи обӣ-барқӣ дар рӯдхонаи Вахши Тоҷикистон таъсис ёфт.
Ҳиссаи ширкатҳои русиягӣ дар сармояи оинномавии ҶСК “НБО Сангтӯда-1” – 75% тарҳи 1 саҳмия ва ҳиссаи ҳукумати Тоҷикистон – 25% ҷамъи 1 саҳмия аст.
Ҳаҷми сармоягузориҳои Русия ба сохтмони нерӯгоҳ беш аз 16 млрд. рублро ташкил медиҳад. Агрегати аввали нерӯгоҳ моҳи январи соли 2008 ба кор дароварда шуд. Иқтидори тавлидотии нерӯгоҳ 670 мегаваттро ташкил медиҳад. Нерӯгоҳ дар ноҳияи Данғараи вилояти Хатлон, 110 километрии чануби Душанбе воқеъ буда, ҳиссааш дар ҳаҷми умумии барқи истеҳсолшуда дар ҷумҳурӣ ба 10% баробар аст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Доходы от гравия важнее безопасности людей? Жители затопленной махалли Вахдата жалуются на халатность чиновников
Какие иностранные специалисты смогут получить разрешение на ВНЖ в Казахстане?
Кто стал чемпионом Душанбе по шахматам?
«Душанбе Сити Банк» представляет новую карту VISA Gold
Скончался легендарный диктор таджикского радио Лолахон Саттори
ИИ, созданный в Таджикистане, признан лучшим в ОАЭ
Работа в Великобритании: Минтруда Таджикистана призывает не обращаться к нелицензированным компаниям
Таджикский Айболит «Формулы-1»
Помощь при ожогах, прогноз погоды и кнопка спасения: КЧС Таджикистана разработал мобильное приложение
Как Программа глобального лидерства лабораторий помогает повысить качество проводимых исследований в Таджикистане
Все новости
Авторизуйтесь, пожалуйста