Амалисозии лоиҳаи минтақавии CASA-1000 (хатти минтақавии интиқоли барқи Осиёи Марказӣ – Осиёи Ҷанубӣ) дар қаламрави Тоҷикистон то охири соли ҷорӣ ба анҷом мерасад, хабар дод муовини аввали вазири энергетика ва захираҳои оби ҷумҳурӣ Ҷамшед Шоимзода зимни нишасти матбуотӣ.
“Татбиқи лоиҳа дар доираи ҷадвали муқарраршуда ҷараён дорад, ягон қафомонӣ нест. Ҳамаи таҷҳизоти зарурӣ барои амалисозии лоиҳа ба Тоҷикистон оварда шудааст”, - иброз дошт ӯ.
Шоимзода таъкид дошт, ки сохтмон дар қаламрави Афғонистон, ки дар он ҷо то ҳозир зиёда аз 60%-и корҳо ба итмом расидааст, низ идома меёбад.
“Ҳарчанд вазъият дар Афғонистон ноамну бесубот бошад ҳам, дар он ҷо низ ягон қафомонӣ нест", - гуфт Шоимзода.
Дар лоиҳаи CASA-1000 содироти неруи барқ аз Тоҷикистону Қирғизистон ба Афғонистон ва Покистон пешбинӣ шудааст.
Бино ба маълумоти Вазорати энергетика, буҷети умумии лоиҳа 1,86 млрд долларро ташкил медиҳад, ки 314 млн доллараш ба сохтмони қисмати тоҷикистонии лоиҳа равона мегардад.
Маблағҳои зарурӣ аз ҷониби Бонки ҷаҳонӣ, Бони исломии рушд, Бонки аврупоии сармоягузорӣ ва Бонки аврупоии таҷдиду рушд ҷудо шудааст.
Маросими оғози расмии татбиқи лоиҳаи CASA-1000 моҳи июни соли 2016 дар шаҳри Турсунзода бо иштироки сарони давлат ва раисони ҳукуматҳои чор давлати иштирокчии лоиҳа баргузор шуд.
![](https://asiaplustj.info/sites/default/files/articles/300072/%D0%B8%D0%B7%D0%BE%D0%B1%D1%80%D0%B0%D0%B6%D0%B5%D0%BD%D0%B8%D0%B5_viber_2021-07-13_17-19-10-962.png)
Дар Тоҷикистон чӣ сохта мешавад?
Дар доираи лоиҳаи CASA-1000 дар қаламрави Тоҷикистон сохтмони иншооти зерин пешбинӣ шудааст:
- Хати интиқоли барқ (ХИБ)-и 500 кВ “Датка-Суғд 500” бо масофаи 477 км, ки 28 километри хат ба қаламрави Тоҷикистон рост меояд ва зеристгоҳи “Суғд-500” васеъ карда мешавад;
- ХИБ 500 кВ “Регар-Сангтӯда”бо масофаи 115 км ва васеъ кардани зеристгоҳи “Регар-500”;
- зеристгоҳи табдили неру дар Сангтӯда бо иқтидори 1300 МВт барои табдили неруи тағйирёбанда ба доимӣ ва сохтмони зеристгоҳи “Новшара” дар Покистон бо иқтидори 1300 МВт;
- сохтмони хати интиқоли барқи “Сангтӯда-Новшара” дар Покистон бо масофаи зиёда аз 750 километр, ки 117 километраш ба қаламрави Тоҷикистон рост меояд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Салом алейкум, Таджикистан! Анонсы событий, день в истории, прогноз погоды на 1 сентября 2024 года
Четыре названия одной фабрики в Душанбе
Бывший таджикский игрок московского «Спартака» перебрался в США
Нет воды и условий. Как живут экологические мигранты в Зафарабаде
Шавкат Мирзиёев почтил память жертв политических репрессий и помиловал осужденных
Бывший наставник Гарри Каспарова тренирует сборную Таджикистана по шахматам
В Бразилии запретили соцсеть X из-за ее отказа сотрудничать с властями
Сколько потратили душанбинцы на подготовку детей к школе?
Таджикистанцы приняли участие в международном ночном забеге в Бухаре
Таджикские борцы взяли 4 золота в первый день чемпионата мира по гуштингири
Все новости
Авторизуйтесь, пожалуйста