Бахтиёр Саидзода, судяи суди ноҳияи Ҷалолиддини Балхӣ 28 январи соли ҷорӣ бо фармони Президент “бинобар содир намудани кирдоре, ки шаъну эътибори судяро паст мезанад” аз вазифа озод карда шуд.
Насрулло Маҳмудзода, прокурори вилояти Хатлон имрӯз, 30 январ зимни нишасти хабарӣ, омили асосии аз вазифа озод гардидани судя Бахтиёр Саидзодаро шарҳ дод.
“Прокуратураи генералии Тоҷикистон нисбати Бахтиёр Саидзода парвандаи ҷиноятӣ бо моддаи 247-и КҶ ҶТ (қаллобӣ) боз кардааст. Тафтишоти ин парванда ба зиммаи муфаттишони Агентии назорати давлатии молиявӣ ва мубориза бо коррупсия гузошта шудааст. Ҳоло тафтишот идома дорад ва аз ин бештар чизе гуфта наметавонам”, - иброз намуд Насрулло Маҳмудзода.
Барои содир намудани ҷинояти дар моддаи 247-и КҶ ҶТ зикр гардида, ҷазо дар шакли ҷарима ба андозаи аз 250 то 365 нишондиҳанда барои ҳисобҳо ё шартӣ маҳдуд кардани озодӣ ба мӯҳлати то се сол ё маҳрум сохтан аз озодӣ ба мӯҳлати то ду сол, пешбинӣ шудааст.
Ёдовар мешавем, ки Бахтиёр Саидзода, судяи Суди ноҳияи Ҷалолиддини Балхӣ рӯзи 28-январ бо фармони Президенти кишвар Эмомалӣ Раҳмон аз вазифа озод карда шуд.
Дар фармони Президент сабаби озод шудани ин судя содир намудани кирдоре, ки шаъну эътибори судяро паст мезанад, гуфта шудааст.
Как ветераны войны встречали 9 мая в Душанбе в разные годы
Как фронтовик Мухитдин Салохов сыграл сам себя в фильме «В талом снеге звон ручья»
Мудрец по содержанию и форме. Памяти ученого-философа Хаёлбека Додихудоева
За какие заслуги участников ВОВ из Таджикистана удостоили звания Героев Советского Союза
С Днем Победы, Таджикистан!
Хранители боевой славы. Монументы, посвященные памяти павших воинов Таджикистана в годы ВОВ
На Таджикистан надвигается стихия. Как вести себя во время селей?
Состояние раненого таджикского учителя после столкновения на границе с Кыргызстаном стабильное
Путин поздравил президента и народ Таджикистана с Днем Победы
Эмомали Рахмон улетел в Москву
Все новости
Авторизуйтесь, пожалуйста