Дар шаҳри Екатеринбурги Русия шаҳрванди 37-солаи Тоҷикистон Суҳроб Холов боздошт шуд, ки мақомоти интизомии Тоҷикистон ӯро ба содир намудани як қатор ҷиноятҳо, аз ҷумла роҳзаниву ғоратгарӣ (бандитизм) гумонбар медонанд.
Бино ба маълумоти дафтари матбуоти Сарраёсати ВКД Русия дар вилояти Сведловск, дар доираи амалиёти фавриву пешгирии «Ҷустуҷӯ» кормандони шуъбаи Интерполи ин мақомот Суҳроб Холовро боздошт намудаанд, ки тибқи дархости Тоҷикистон дар пайгарди байнулмилалии қонунӣ қарор дошта, дар ташкил ва иштирок дар ҳамлаҳои мусаллахона дар қаламрави Тоҷикистон айбдор карда мешавад. Ӯ дар манзили зисташ, ки ҳамроҳ бо оилааш зиндагӣ мекардааст, боздошт шудааст.
«Дар давраи аз соли 1996 то соли 2005 Холов дар ҳайати гурӯҳи муташаккили ҷиноятпеша тахти сарварии Абдулло Раҳимов, мулаққаб ба «Мулло Абдулло» дар амалҳои мусаллаҳонаи ҷинояткоронаи ғасби амвол ва воситаҳои пулии шаҳрвандон иштирок доштааст, - таъкид мегардад дар маълумот. - Ҳамин тариқ, 18 июли соли 1996 ӯ дар қаламрави Тоҷикистон ба манзили як сокини маҳаллӣ ҳуҷум карда, Холов бо автомати Калашников соҳибхонаро захмӣ месозад ва амволу маблағи пулӣ дар ҳаҷми 7 ҳазор доллари ИМА-ро ғоратгарони мусаллаҳ бо автомашинаи «КАМАЗ» бо худ мебаранд».
Дар маълумот зикр мегардад, ки 10 марти соли гузашта прокуратураи шаҳри Роғун нисбати Суҳроб Холов мутобиқи моддаҳои 186, қ 2 (Бандитизм, иштирок дар гурӯҳи (дастаи) мусаллаҳи устувор ё дар ҳуҷумҳои анҷоммедодаи он), моддаи 32, қ. 3 (Тайёрӣ ба ҷиноят, суисқасди ҷиноят) ва моддаи 104 (Одамкушӣ)-и Кодекси ҷиноии ҶТ парвандаи ҷиноӣ боз намудааст.
Бино ба маълуомти Интерпол, боздоштшуда қаблан аз ҷониби суди Ржевски вилояти Свердловск барои сохтакории ҳуҷчатҳо маҳкум шудааст.
Зимнан зикр мегардад, ки айни замон Холов ба ҳабс гирифта шуда, муҳлати истирдоди ӯ ба ватан мувофиқа мешавад.
Как таджикистанцам дешевле добраться до Мальдив?
Что надо знать, если вы собрались в горы в Таджикистане на велосипедах
Вакцинация против вируса папилломы может спасти от рака шейки матки. Когда ее начнут делать всем в Таджикистане?
Где научиться плавать в Душанбе?
Салом алейкум, Таджикистан! Анонсы событий, день в истории, прогноз погоды на 17 июня 2024 года
С праздником Иди Курбон!
Иди Курбон-2024: Что нужно знать о самом главном празднике в исламе?
Суд в Бишкеке оправдал обвиняемых по Кемпир‑Абадскому делу
Как и для кого работает Центр реабилитации инвалидов в Душанбе?
Опасность схода селей сохраняется, пострадавшие ранее от стихии получили помощь
Все новости
Авторизуйтесь, пожалуйста