Дар Тоҷикистон акнун ҳатто нони хушкшуда (сухарики), вафли ва донаи офтобпараст (семечки) ҳам таҳти тамғаи «Ҳалол» истеҳсол карда мешаванд. Агентии «Тоҷикстнадарт» ба корхонаҳои «Тоҷснек» ва «Маколли», ки ба истеҳсоли ин навъи маҳсулот машғуланд, сертификати меъёри «Ҳалол» супурд.
Муовини сардори Раёсати стандартикунонии Агентӣ Тоҳир Одинаев ба «Азия-Плюс» дар ин робита изҳор намуд, ки айни замон дар ҷумҳурӣ 14 корхона ба сертификати меъёри «Ҳалол» соҳиб шудаанд. «Дар шаҳри Душанбе ва навоҳии тобеи марказ инҳо – корхонаҳои «Тоҷснек», «Маколли», «Покиза Н» ва коргоҳҳои истеҳсоли ҳасиби «Амирӣ», «Азиза» ва Баҳор» мебошанд», - гуфт ӯ.
Ба қавли номбурда, дар қаламрави вилояти Суғд ба корхонахои «Файзи Расул» (танҳо ба маснӯоти гӯштӣ), «Темуриён» (маснӯоти ҳасибӣ), «Фархунда» (тушбера, барак) ва коргоҳҳои истеҳсоли ҳасиби «Дадабоев», «Маҳмудов», «Зарифов» ва «Азизӣ» сертификати меъёри «Ҳалол» супурда шудааст.
Тоҳир Одинаев ҳамчунин гуфт, дар вилояти Хатлон танҳо корхонаи истеҳсоли маснӯоти гӯштии «Салимҷон» ба сертификати меъёри «Ҳалол» соҳиб аст. «Айни замон барои гирифтани сертификати «Ҳалол» ба мо 5 дархост ворид шуд ва феълан мутахассисони мо мутобиқати ин корхонаҳо ба меъёри «Ҳалол»-ро меомӯзанд», - афзуд ӯ.
Ёдрас мекунем, ки шакли тоҷикии иҷозатномаи «Ҳалол» бо се забон – тоҷикӣ, форсӣ ва англисӣ навиштаҷот дорад.
«Ҳалол» барои мусалмонон тамғае мебошад, ки истеҳсоли маҳсулот бо риояи анъанаҳои мусалмониро тасдиқ мекунад. Ин маҳсулот таркибҳои манъшудаи истифодаи он дар ғизои мусалмононро надорад.
Дар паҳнои ИДМ меъёри «Ҳалол» аллакай амал мекунад. Моҳи апрели соли 2014 Иттиҳоди АвруОсиёии стандартикунонӣ ва сертификатсиякунонии «Ҳалол» бо қароргоҳ дар шаҳри Маскав таъсис дода шуда, ба ҳайати он мақомоти дахлдори Русия, Қазоқистон ва Беларус шомил гардиданд.
Урожай ниже, цены – выше: В Таджикистане продолжается сбор черешни, и ее очень мало
Новые гостиницы в Душанбе: президентские апартаменты за 25 тысяч сомони в Kangurt Grand Hotel и бассейн на крыше в «Фирдавси»
Без паспорта: Судьбы «забытых» людей в Таджикистане
Где в Душанбе найти уличную одежду для молодежи?
Салом алейкум, Таджикистан! Анонсы событий, день в истории, прогноз погоды на 26 мая 2024 года
Последний звонок в советском Душанбе: как это было?
Сын Камчыбека Ташиева будет играть за сборную Кыргызстана по футболу
Таджикистан заинтересовался сотрудничеством с Туркменистаном в области "умных городов"
Интересные фестивали и мероприятия в Узбекистане летом: от парада цветов до фестиваля мороженого
С надеждой на возвращение: две семьи в Таджикистане продолжают искать своих пропавших детей многие годы
Все новости
Авторизуйтесь, пожалуйста