Thomson Media ва АМВАОМТ курси омӯзишии бепули далелсанҷиро пешниҳод карданд.

Ҳадафи давра – кӯмак дар шинохтани маълумоти носаҳеҳ аст, ки дар шабакаҳои иҷтимоӣ ва интернет дучор шудан мумкин аст. Пас аз гузаштани давраи омзишӣ, шумо метавонед маълумоти бардурӯғу  фейкиро беҳтар шиносед ва дар бораи воситаҳои асосии тафтишу тасдиқи маълумот тасаввурот пайдо кунед.

Бо омӯхтани курси омӯзишии Thomson Media ва Анҷумани миллии воситаҳои ахбори оммаи Тоҷикистон шумо ба саволҳои зерин ҷавоб мегиред:

“Хабари дурӯғин ё фейкӣ” чист? Чӣ гуна метавон онҳоро шинохт ё ошкор кард? Бо сарчашмаҳо чӣ гуна бояд кор кард? Оё акси ҷолибро насанҷида ба дигарон фиристодан дуруст аст? Чаро ба ҳамаи дидаву шунидаҳо бовар кардан дуруст нест?

Дар фарҷоми давраи омӯзишӣ шумо метавонед таҳрифҳои барқасдона ва тасодуфиро фарқ кунед, хабарҳои “фейкӣ”-ро шиносед, иттилои носаҳеҳро дарк кунед, ба хабару маълумот бо назари интиқодӣ нигаред ва бо воситаҳои махсуси ошкорсозии иттило, расму наворҳои бардурӯғу бофта ошноӣ пайдо кунед.

Курси омӯзишӣ бо забонҳои тоҷикӣ ва  русӣ дастрас ҳастанд.

Бо забони тоҷикӣ: https://thomsonfoundation.edcastcloud.com/learn/self-paced-7043

Бо забони русӣ: https://thomsonfoundation.edcastcloud.com/courses/7044/learn

Мавод дар доираи Маъракаи рушди маърифати расонаӣ дар Тоҷикистон – “Се нуқта. Бидон, чиро мебинӣ!” таҳия шудааст. Ба саҳифаи “Се нуқта. Бидон, чиро мебинӣ!” дар шабакаҳои иҷтимоии Facebook ва Одноклассники пайваст шавед ва маърифати расонаии худро инкишоф диҳед!

Дигар маводҳои лоиҳаро ин ҷо хонед: Бидон, чиро мебинӣ!