Далер Лоҳутӣ, писари шоири пуровозаи Тоҷикистону Эрон Абулқосим Лоҳутӣ, рӯзи 27-уми январ, дар Маскав, дар синни 88-солагӣ, бар асари беморие, ки дошта даргузашт. Дар ин бора бародарзодаи марҳум Фелик Лоҳутӣ дар Фейсбук хабар додааст.
Далер Лоҳутӣ, 26-уми апрели соли 1934 таваллуд шудааст. Доктори илмҳои техникӣ, профессор буд. Ӯ мутахассиси варзидаи кибернетика ва ҳуши сунъӣ, файласуфи мантиқдон, забоншинос ва тарҷумони варзида буд. Муаллифи асарҳои гаронарзише дар заминаи тарҷумаи матнҳои фалсафӣ буд.
Далер Лоҳутӣ хатмкардаи факултаи риёзии Донишгоҳи давлатии Маскав ба номи Ломаносов буд. Соли 1971 дар мавзуъи "Арзёбии низомҳои ҷустуҷӯгар" рисолаи номзадӣ ҳимоя кардааст.
Аз соли 1998 профессори Донишгоҳи давлатии гуманитарии Русия буд. Ҳамчунин ба унвони роҳбари Маркази илмиву таълимии таъмини барномавию лингвистии низомҳои интелектуалӣ буд. Узви Анҷумани ҳуши сунъии Русия низ буд.
Соли 1999 рисолаи докторияшро дар мавзуъи "Мушкилоти ақлонӣ кардани низомҳои иттилоотӣ" дар бахши илмҳои техникӣ дифоъ кардааст.
Ӯ асари "Рисолаи фалсафиву мантиқӣ"-и Людвиг Вингтейнштейн, "Дониши объективӣ"-и Карл Попер ва асарҳои илмӣ, равишшиносӣ ва фалсафии дигарро низ ба русӣ тарҷума кардааст.
Ду сол пеш, дар моҳи ноябри соли 2020 писари дигари Лоҳутӣ, Гив Лоҳутӣ, низ дар 85-солагӣ дар Маскав даргузашта буд.
Дар ҳоли ҳозир, ягона духтари Лоҳутӣ, дуктур Лайло Лоҳутӣ, эроншиноси варзида ва тарҷумонӣ номӣ боқӣ монда, ки дар Маскав зиндагӣ мекунад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Как таджикистанцам дешевле добраться до Шри Ланки?
Общая сумма кредитов предпринимателей сгоревшего рынка Джайхуна составляет около 5 миллионов сомони
В Душанбе строятся три новые парковки, – мэрия
Рекордная жара и полмиллиона смертей. ООН призывает мир срочно пересмотреть климатические стратегии
Как таджикская компания популяризирует туризм в Таджикистане, выходя за рамки проторенных дорог
Активный отдых с детьми в Ташкенте: от VR-приключений до изучения подводного мира
Садыр Жапаров утвердил список отцов-основателей государственности Кыргызстана
«Были финансовые проблемы». Мэр Худжанда объяснил причину приостановки работы автобусов
Как отразится снятие кандидатуры Байдена с президентских выборов на Центральной Азии?
Природное наследие Таджикистана: охраняемые территории занимают 22% площади страны
Все новости
Авторизуйтесь, пожалуйста