Шоми рӯзи 25 июл 146 нафар шаҳрванди Тоҷикистон тавассути парвози чартерии мустақим аз Сурия ба ватан баргардонида шуданд.
Тавре ки АМИТ “Ховар” бо истинод ба Вазорати корҳои хориҷии ҷумҳурӣ хабар медиҳад, аз ин теъдод 42 нафар зан ва 104 нафар кӯдак мебошанд, ки бо супориши президенти Тоҷикистон Эмомалӣ Раҳмон баргардонида шуданд.
“Ҳадафи асосии ин иқдом раҳо кардани кӯдакони тоҷик аз бесарнавиштӣ, баргардонидани онҳо аз диёри ғурбат ва ворид шуданашон ба ҳаёти осоишта дар кишвар мебошад”, - омадааст дар хабар.
Гуфта мешавад, барои нигоҳубин ва бозгашти онҳо ба ҳаёти осиошта тамоми чораҳо амалӣ карда шуда, Вазорати корҳои хориҷии кишвар ҳамроҳ бо дигар ниҳодҳои марбута ҷиҳати пурра баргардонидани шаҳрвандони боқимондаи тоҷик аз Сурия ба Ватан дар ояндаи наздик саъю талош менамояд.
Қаблан 21 июл дар Димишқ мулоқоти сафири Тоҷикистон дар Давлати Кувайт Зубайдулло Зубайдзода бо муовини якуми вазири корҳои хориҷӣ ва муҳоҷирини Ҷумҳурии Арабии Сурия Башар Ҷафарӣ баргузор гардид.
Дар мулоқот масъалаи баргардонидани шаҳрвандони Тоҷикистон ба Ватан аз урдугоҳҳо, густариш ва тақвияти ҳамкориҳо дар арсаҳои мавриди эҳтимоми муштарак баррасӣ гардида, перомуни вазъияти Ховари Миёна табодули афкор сурат гирифт.
Қобили зикр аст, ки дар паноҳгоҳи Роҷ ва Ал-Ҳавли Сурия беш аз 500 зану кӯдаки тоҷик нигаҳдорӣ мешаванд. Онҳо ҳамсару кӯдакони ҷангҷӯёни созмони тундрави "Давлати исломӣ" ё ДОИШ ҳастанд, ки пас аз шикасти ин созмон ба дасти нерӯҳои курд асир афтодаанд.
Ин занон аз соли 2018 ба ин тараф аз мақомот мехоҳанд, то онҳоро ба ватан баргардонанд. Бештари онҳо дар Сурия худро фиребхӯрда медонанд ва мегӯянд, шавҳаронашон онҳоро ба инҷо овардаанд.
Ёдовар мешавем, ки соли 2019 Тоҷикистон 89 кӯдакро аз Ироқ бозгардонда буд.
В Тбилиси на митинге против закона об «иностранных агентах» спецназ применил слезоточивый газ
Посол США посетил склад для хранения фруктов с климатическим контролем в Раште
МИД РТ: За четыре дня только из аэропорта Внуково депортированы около 650 граждан Таджикистана
Таджикистан добавил 25 новых стран, граждане которых без визы могут въехать в страну
Скончался автор бюста Бободжона Гафурова перед зданием НАНТ, скульптор Игорь Иванов
Где-то пыльная буря, а где-то снег: какая погода ждет таджикистанцев в мае?
Салом алейкум, Таджикистан! Анонсы событий, день в истории, прогноз погоды на 1 мая 2024 года
Как молодая певица из Таджикистана стремится покорить американскую аудиторию
Глава МИД Таджикистана напомнил Сергею Лаврову о союзническом дороворе между Таджикистаном и Россией
В Душанбе презентовали прямой авиарейс в Тбилиси
Все новости
Авторизуйтесь, пожалуйста