Бино ба маълумоти Вазорати корҳои дохилии Русия, соли 2022 теъдоди рекордии тоҷикистониён - 173 ҳазору 634 нафар шаҳрванди Русия шудаанд.
Гуфта мешавад, дар муқоиса бо соли 2021 шумори шаҳрвандони Тоҷикистон, ки шиносномаи Русия гирифтаанд, 70 ҳазор нафар зиёд шудааст. Он замон 103 ҳазору 681 нафар ба шаҳрвандии Русия соҳиб шуда буданд.
Агар шумори тоҷикистониёнеро, ки дар соли 2022 шаҳрвандии Русияро гирифтаанд, ба як соли тақвимӣ тақсим кунем, маълум мешавад, ки ба ҳисоби миёна ҳар рӯз 476 шаҳрванди Тоҷикистон шаҳрванди Русия шудаанд.
Дар дарёфти шаҳрвандии Русия байни кишварҳои минтақаи Осиёи Марказӣ шаҳрвандони Тоҷикистон пешсафанд.
Дар соли 2022 ба сурати умум 691 ҳазору 45 нафар хориҷиён шаҳрвандии Русияро гирифтаанд. Дар панҷгонаи кишварҳое, ки сокинони онҳо шаҳрвандии Русияро гирифтаанд, Тоҷикистон дар мақоми дуюм қарор дорад.
Зинаи аввалро Украина - 296 ҳазору 901 нафар, зинаи сеюмро Арманистон - 45 ҳазору 86 нафар, мақоми чорумро Қазоқистон - 42 ҳазору 10 нафар ва ҷойи панҷумро Ӯзбекистон - 27 ҳазору 220 нафар ишғол кардаанд.
Ҳамчунин тибқи маълуомти ВКД Русия, 121 ҳазору 122 шаҳрванди Тоҷикистон Ҳуҷҷати иҷозаи зист (ВНЖ) дар Русияро доранд ва ин маънои онро дорад, ки то шаҳрванди Русия шудани онҳо як қадами дигар мондааст ва ба гумони ғолиб, соли 2023 онҳо ба шаҳрвандии Русия соҳиб мешаванд.
Боз 47 ҳазору 987 нафар тоҷикистониён дорои Иҷозаи зисти муваққатӣ (РВП) мебошанд, ки қадами аввал барои соҳиб шудан ба шаҳрвандии Русия аст.
Салом алейкум, Таджикистан! Анонсы событий, день в истории, прогноз погоды на 1 сентября 2024 года
Четыре названия одной фабрики в Душанбе
Бывший таджикский игрок московского «Спартака» перебрался в США
Нет воды и условий. Как живут экологические мигранты в Зафарабаде
Шавкат Мирзиёев почтил память жертв политических репрессий и помиловал осужденных
Бывший наставник Гарри Каспарова тренирует сборную Таджикистана по шахматам
В Бразилии запретили соцсеть X из-за ее отказа сотрудничать с властями
Сколько потратили душанбинцы на подготовку детей к школе?
Таджикистанцы приняли участие в международном ночном забеге в Бухаре
Таджикские борцы взяли 4 золота в первый день чемпионата мира по гуштингири
Все новости
Авторизуйтесь, пожалуйста