Бо қарори раиси вилояти Суғд Қоҳир Расулзода дар вилояти ҷашни Рӯзи Рӯдакӣ таҷлил мегардад.

Тавре аз хадамоти матбуоти раиси вилоти Суғд иттилоъ доданд, чорабинии мазкур бо мақсади шинохти тамаддуни миллӣ, адабиёти классикӣ ва намояндагони он, тарғиби осори ниёгон ва тарбияи насли наврас дар рӯҳияи худшиносию ватандорӣ доир мегардад.

Ба иттилои манбаъ, барои дар амал татбиқ намуданни қарори мазкур ва дар сатҳи баланд таҷлил намудани чорабиниҳои ҷашнӣ дар маркази вилоят ва шаҳру ноҳияҳо шӯъбаҳои дахлдори мақомоти иҷроияи ҳокимияти давлатии вилоят вобаста карда шудаанд.

Ҳамчунин зикр гардид, ки мақомоти иҷроияи ҳокимияти давлатии шаҳру ноҳияҳои вилоят барои баргузор намудани Рӯзи Рӯдакӣ, шинохти ҳаматарафаи қофиласарои назм, поягузори адабиёти классики тоҷик Абӯабдуллоҳи Рӯдакӣ тадбирҳои амалӣ хоҳанд андешид.

Бояд қайд намуд, ки то ҷашн дар қаламрави вилоят ташкили сӯҳбату мулоқотҳои  олимону адибон дар муассисаҳои таълимӣ, корхонаю ташкилотҳо оид ба нақш ва таъсири осори устод Рӯдакӣ дар рушди адабиёт  дар назар аст.