Дар Ӯзбекистон ҷоизаи байналмилалиеро ба номи Муҳаммад ал-Хоразмӣ донишманди саршиноси тоҷику форс таъсис додаанд, ки мукофотпулии он 50 ҳазор доллари ИМА гуфта мешавад. Девони вазирони ин кишвар дирӯз тартиби тақдими ин ҷоизаро таъйид кардааст.
Ин ҷоиза моҳи майи имсол аз сӯйи Шавкат Мирзиёев президенти ин кишвар таъсис дода шуд, ки дар ду сол як бор аз сӯи ӯ бо пешниҳоди Шӯрои ҷумҳуриявии ин кишвар дар бахши илму технология тақдим хоҳад шуд.
Ҷоизаи "Муҳаммад ал-Хоразмӣ" ба донишмандон, аз ҷумла шаҳрвандони хориҷӣ ва афроди бешаҳрвандие дода мешавад, ки дар асоси пажуҳишҳои илмии бунёдӣ ё амалӣ дар бахши риёзиёт ҳалли мушкили дақиқеро пешниҳод кардаанд.
Абуабдуллоҳ Муҳаммад ибни Мӯсо Ал-Хоразмӣ риёзидон, нуҷумшинос ва ҷуғрофидони бузурги форсу тоҷик аст, ки тақрибан соли 783 дар Хоразм таваллуд ва тахминан сол 850 дар Бағдод вафот кардааст.
Дар Тоҷикистон низ чанд сол пеш бузургдошти ин донишманд таҷлил шуда буд. Баҳори имсол зимни таҷлил аз Рӯзи илм президенти Тоҷикистон Эмомалӣ Раҳмон доир ба хидматҳо ва шуҳрати ҷаҳонии Муҳаммад Хоразмӣ гуфта буд:
"Барои намуна, асари риёзии донишманди маъруф Муҳаммади Хоразмӣ (780-850) «Китоб-ул-ҷамъ ва-т-тафриқ би-ҳисоби-л-Ҳинд» (Китоби ҷамъу тақсим аз рӯйи ҳисоби аҳли Ҳинд) бори нахуст мардуми арабу арабизабон ва пас аз тарҷума дар асри XII ба забони лотинӣ бо номи «Algorithimi de numero Indorum» мардуми Аврупоро бо низоми даҳгонаи ҳисоби ҳиндӣ шинос кард. Ин асар ҳамчунин номи ал-Хоразмиро на танҳо дар Аврупо, балки дар тамоми ҷаҳон бар сари забонҳо андохт. Мафҳуми «алгоритм», ки шакли аврупоии таҳрифшудаи «ал-Хоразмӣ»-ст, аз номи лотинии ҳамин китоб маъруф гардид ва нахуст дар Аврупо бо таваҷҷуҳ ба низоми ҳисоби даҳгонаи ҳиндӣ мафҳуми арифметика (аlgoritmus), баъдан ҳаргуна фароянди мунтазам ҳисобшаванда (алгоритм)-ро ифода мекард ва дар рӯзгори имрӯзаи мо маъмулан ба ҳамин маънии охир мавриди истифода қарор дорад".
Дар замони шӯравӣ 1200 солагии ин донишманди сатҳи ҷаҳон низ таҷлил шуда буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста