Эдил Байсалов, муовини раиси Девони вазирони Қирғизистон сабаби бекор кардани тамринҳои СААД – “Бародарии шикастнопазир – 2022” дар кишвараш ва худдорӣ аз иштирок дар тамринҳои “Сарҳад-2022” дар Тоҷикистонро мухолифати афкори ҷамъиятӣ ба ин тамринҳо унвон кардааст. Дар ин бора ӯ ба РИА Новости иброз намудааст.
“Мо узвияти комилан шикастнопазири СААД-ро дорем, мо бо ин созмон, бо мандат, бо рисолат ва оинномаи он ягон мушкил надорем. Аммо, албатта, бо назардошти рӯйдодҳои ахир, ҳоло аламҳо тоза аст", - гуфтааст ӯ ба хабарнигори РИА дар Маркази сиёсати амниятӣ дар Женева ва мушаххас кардаст, ки сухан дар бораи даргириҳои низомӣ бо "ҳамсояи тоҷик"-аш меравад. "Вазъият тавре шакл гирифтааст, ки афкори ҷамъиятии Қирғизистон аз ҳузури ҷузъу томҳои мусаллаҳи ҳамсояи тоҷики мо дар ин машқҳо истиқбол нахоҳад кард", - афзудааст Байсалов.
Қаблан мақомоти Қирғизистон аз бекор кардани тамринҳои СААД - “Бародарии шикастнопазир – 2022” дар кишварашон ва худдорӣ аз иштирок дар тамринҳои “Сарҳад-2022” дар Тоҷикистон иттилоъ дода буданд, аммо дақиқан сабабашро шарҳ надода буданд.
Ҳамакнун, ин аввалин мансабдори воломақоми Қирғизистон аст, ки расман сабаби катъи тамрин ва худдорӣ аз иштирок дар тамринҳои Тоҷикистонро шарҳ медиҳад.
"Вале бе онҳо (Тоҷикистон – идора.) намешавад гӯем, ки "шумо намеоед, аммо қазоқҳо, русҳо ва белорусҳо биёед”. Ин тавр намешавад, мо маҷбур шудем. иштирокро лағв кунем ва дар тамоми пойтахтҳои давлатҳои аъзои СААД мутлақо ин тасмими моро дарк мекунанд. Аммо мо аз он нигаронем, ки ин тасмими мо нодуруст шарҳ дода мешавад ва тахминҳо дар ин бора комилан бемасъулиятона аст”, - хулоса кардааст Эдил Байсалов.
Ёдовар мешавем, ки Тоҷикистон ва Қирғизистон дар масъалаи мушаххассозии хати сарҳад миёни ду кишвар баҳсҳои шадид доранд ва баъзан ин баҳсҳо боиси сар задани муноқиша дар сарҳад низ мешавад. Охирин муноқишаи мусаллаҳона дар сарҳади ин ду кишвар 14-17-уми сентябри соли ҷорӣ рух дод, ки дар натиҷаи он аз ҳар ду ҷониб даҳҳо нафар куштаву садҳо каси дигар захмӣ шуданд.
Пас аз имзои созиши ду ҷониб барои ба эътидол овардани вазъ дар сарҳад ва ҳалли мусолиҳатомези баҳсҳои ҷойдошта, мансабдорони Қирғизистон ба истифодаи суханҳои иғвоангез нисбати Тоҷикистон идома медиҳанд, ки чандин маротиба боиси нигаронии ҷониби Тоҷикистон шуд.
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Кулли ахбор
Авторизуйтесь, пожалуйста