Сироҷиддин Муҳриддин, вазири корҳои хориҷии Тоҷикистон имрӯз, 13-уми апрел, барои иштирок дар се нишасти Самарқанд, ки дуи он ба вазъи Афғонистон бахшида мешавад, озими ин шаҳр шуд. Дар ин бора аз ВКХ ба “Азия-Плюс” хабар доданд.
Ба гуфтаи манбаъ, ин нишастҳо имрӯз ва пагоҳ, 13 ва 14-уми апрел, баргузор мешавад ва Сироҷиддин Муҳриддин нигоҳи Тоҷикистонро вобаста ба мавзӯъҳои баррасишаванда ироа мекунад.
“Дар шаҳри Самарқанд се нишаст дар сатҳи вазирони корҳои хориҷӣ дар назар аст. Вохӯрии вазирони кишварҳои ОМ ва Русия, Шӯрои вазирони корҳои хориҷии кишварҳои ИДМ ва нишасти вазирони корҳои хориҷии ҳамсояи Афғонистон. Вазири корҳои хориҷии Ҷумҳурии Тоҷикистон Сироҷиддин Муҳриддин дар ин нишастҳо иштирок ва суханронӣ мекунад”, - гуфтанд дар ВКХ.
Дар ҳамин ҳол, рӯзномаи “8 субҳ” хабар медиҳад, ки Амирхон Муттақӣ, сарпарасти вазорати корҳои хориҷии Афғонистон низ барои ишитирок дар нишасти вазирони корҳои хориҷии ҳамсояи Афғонистон, ба Самарқанд хоҳад рафт.
Ҳофиз Зиё Аҳмад, муовини сухангӯи сарпарасти вазорати умури хориҷаи Афғонистон, субҳи рӯзи панҷшанбе, 13-уми апрел, дар Твиттери худ аз сафари ҳайати Толибон* бо раҳбарии Амирхон Муттақӣ ба шаҳри Самарқанд хабар додааст.
Ба гуфтаи Зиё Аҳмад, интизор меравад, дар ҳошияи нишасти чаҳоруми вазирони хориҷаи кишварҳои ҳамсояи Афғонистон, Амирхон Муттақӣ бо як идда вазирони хориҷаи кишварҳои ҳамсоя дидору гуфтугӯҳои дуҷониба анҷом диҳад.
Аммо муовини сухангӯи сарпарасти вазорати умури хориҷаи Афғонистон мушаххас нагуфтааст, ки Муттақӣ бо вазирони хориҷаи кадом кишварҳо мулоқоти дуҷониба анҷом медиҳад.
Аз вазорати корҳои хориҷии Тоҷикистон низ нагуфтанд, ки оё Сироҷиддин Муҳриддин бо Амирхон Муттақи мулоқот хоҳад кард ё не.
Сафари Амирхон Муттақӣ ба Самарқанди Ӯзбекистон дар ҳолест, ки Толибон ба се нишасти қаблии вазирони хориҷаи кишварҳои ҳамсояи Афғонистон даъват нашуда буданд.
Ин чаҳорумин даври нишасти вазирони хориҷаи кишварҳои ҳамсояи Афғонистон бо ҳузури вазирони хориҷаи Русия, Тоҷикистон, Чин, Эрон, Покистон, Туркманистон ва Ӯзбекистон аст.
Идомаи ҷанҷол дар ҲДТ. Усмонзода далелҳои иловагии худро ба Вазорати адлия пешниҳод кардааст
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
“Либоси миллиро бо меъёри шаръӣ пӯшед”. “Ҳимоят”-и муфтии Тоҷикистон аз тарҳи қонуни манъи "либоси бегона”
Қоҳир Расулзода бо рафти корҳои барқарорсозӣ дар ноҳияҳои Темурмалик ва Балҷувон шинос шуд
“Парвози ҳунар”. Таҷлили 70-солагии умр ва 50-соли фаъолияти эҷодии ҳунарпеша Бурхвалӣ Ғуломҳайдар
Дар роҳи “Душанбе-Чаноқ” ба равуои нақлиёти гаронвазн маҳдудият ҷорӣ шуд
Сафи муҳоҷирони корӣ аз Ӯзбекистон дар Русия сол то сол камтар мешавад
Даромади солона аз канали Қуштеппа дар Афғонистон 500 млн доллар арзёбӣ шуд
Дар роҳҳои Душанбе дурбинҳои худкор ва радарҳо фаъол мешаванд
Кулли ахбор
Авторизуйтесь, пожалуйста