Забеҳуллоҳ Муҷоҳид, сухангӯйи Толибон* дар вокуниш ба иддаои раиси ҷумҳури Ӯзбекистон оид ба бунёди канали Қӯштеппа ва таъсири он ба низоми ҷории оби Осиёи Марказӣ, гуфтааст, ки “Афғонистон бо бунёди канали мазкур ҳаққи ҳеҷ кишвареро талаф накарда, саҳми худро аз дарёи Аму гирифтааст”.
Дар ин бора телеграм-канали “Тулӯънюз” хабар медиҳад. Ин расона шарҳи бештаре надодааст ва ин ҳарфи Забеҳуллоҳ Муҷоҳид низ нав нест. Толибон қаблан низ ин мавқеъро баён карда буданд.
Бояд гуфт, ки Шавкат Мирзиёев рӯзи 15-уми сентябр дар Душанбе зимни нишасти Шӯрои сарони кишварҳои муассиси Сандуқи байналмилалии наҷоти Арал бори аввал масъалаи бунёди канали Қӯштеппаро ба баррсӣ кашида, гуфт, ки ҳокимони феълии Кобул ба гуфтугӯҳо дар масъалаи оби минтақа ҷалб карда шаванд.
“Ба ин назарем, ки бояд гуруҳи кории муштарак барои баррасии тамоми паҳлӯҳои тарҳи канали “Қуштеппа” ва таъсири он ба низоми обӣ дар ҳавзаи рӯдхонаи Ому бо истифода аз пажуҳишгоҳҳои кишварҳои мо таъсис дода шавад”, - гуфт Шавкат Мирзиёев.
Мирзиёев ҳамчунин, таъкид намуд, ки дар минтақа дар мавриди истифодаи об бозигари наве ба вуҷуд омадааст, ки “дар назди кишварҳои мо ягон уҳдадорӣ надорад”.
Қаблан намояндагони Ӯзбекистон доир ба бунёди канали Қӯштеппа андешаи худро иброз намуда буданд ва барои баррасии он ба кишвари Афғонистон низ сафар карда буданд. Онҳо ҳатто пешниҳод карда буданд, ки канали мазкурро якҷо бунёд кунанд.
Аммо ин бори аввал, ки Шавкат Мирзиёев дар бораи канали мазкур мавқеи худро баён мекунад.
Роҳбарони дигар кишварҳои минтақа, ки дар нишасти Шӯрои сарони кишварҳои муассиси Сандуқи байналмилалии наҷоти Арал иштирок доштанд, аз ибрози андеша дар бораи бунёди канали мазкур худдорӣ намуданд.
Дар бораи канали Қӯштеппа ва паёмадҳои он метавонед аз матлаби “Паёмади ҳидрополитикии канали Қӯштеппа. Нигаронии кишварҳои минтақа ва таскини Толибон” маълумоти муфассал пайдо кунед.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста