Субҳи имрӯз, 9-уми ноябр, Эмомалӣ Раҳмон, раиси ҷумҳури Тоҷикистон барои ширкат дар Саммити 16-уми Сарони давлатҳои аъзои Созмони ҳамкории иқтисодӣ (СҲИ) вориди шаҳри Тошканди Ӯзбекистон шуд.
Эмомалӣ Раҳмонро дар фурудгоҳи байналмилалии Тошканд сарвазири Ӯзбекистон Абдулло Орипов ва дигар шахсони расмӣ истиқбол гирифтанд. Дар ин бора хадамоти матбуоти Президенти Тоҷикистон иттилоъ додааст.
Қаблан сухангӯи Президенти Тоҷикистон Абдуфаттоҳ Шарифзода ба “Азия-Плюс” гуфта буд, ки ин сафар як рӯз идома мекунад ва бегоҳии имрӯз Эмомалӣ Раҳмон ба Тоҷикистон бармегардад.
“Сарвари давлат ҳамроҳи президентони дигар кишварҳо дар ҷаласаи Созмони ҳамкории иқтисодӣ ширкат мекунаду халос”, - гуфт сухангӯи Президенти Тоҷикистон.
Ӯ афзуд, мулоқоти дуҷониба бо сарони давлатҳои дигар дар назар нест.
Ёдовар мешавем, ки имрӯз, 9-уми ноябри соли 2023, дар Тошканд Саммити 16-уми Сарони давлатҳои аъзои Созмони ҳамкории иқтисодӣ (СҲИ) баргузор мешавад.
Созмони ҳамкории иқтисодӣ соли 1985 аз ҷониби Эрон, Туркия ва Покистон пас аз бастани Паймони Измир таъсис ёфтааст ва Тоҷикистон соли 1992 ҳамроҳи Афғонистон, Қазоқистон, Қирғизистон, Озарбойҷон, Туркманистон ва Ӯзбекистон аъзои он шуд.
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Кулли ахбор
Авторизуйтесь, пожалуйста