Театри давлатии академии драмавии ба номи Лоҳутии Тоҷикистон ва Театри вилоятии драмавии мусиқии шаҳри Самарқанди Ӯзбекистон миёни ҳам аҳднома (меморандум) ба имзо расониданд ва аз ин пас ин ду театр ҳамкории эҷодиро ба роҳ мемонанд.
Абдукарими Машраб, директори Театри давлатии академии драмавии ба номи Лоҳутӣ зимни сӯҳбат ба “Азия-Плюс” гуфт, ин аҳднома дар пайи сафари ҳунармандони театри мазкур ба Ӯзбекистон баста шуд.
Ба гуфтаи ӯ, дар доираи равобит ва ҳамкориҳои дӯстонаи ду кишвар ҳунармандони Театри Лоҳутӣ аз 12 то 16-уми январ ба шаҳрҳои Тирмиз ва Самарқанд Ӯзбекистон рафтаанд.
Дар доираи ин сафар, Театри давлатии академии драмавии ба номи Лоҳутӣ бо Театри вилоятии драмавии мусиқии шаҳри Самарқанд аҳднома ба имзо расонид. Ин аҳдномаро роҳбарияти ду театр Абдукарим Машраб ва Искандар Султонов имзо кардаанд.
“Бо имзои аҳднома тасмим гирифта шуд, ки аҳли ҳунари ду муассисаи эҷодӣ дар оянда бо анҷом додани сафарҳои ҳунарӣ аз ҳаёту фаъолияти эҷодии якдигар огоҳ гашта, таҷрибаи якдигарро мавриди омӯзиш ва истифода қарор диҳанд”, - гуфт ҳамсӯҳбати мо.
Абдукарими Машраб зикр кард, инчунин намоишномаи “Баъди мурдан хоҳ биёӣ, хоҳ наё”-и драматурги ӯзбек Хурсанд Холиқов, ки саркоргардонии театр Султон Усмонов таҳия кардааст, дар театрҳои Самарқанду Сурхандарё бо забони тоҷикӣ ба саҳна гузошта шуд.
Ёдовар мешавем, ки ҳоло байни Театри давлатии опера ва балети Тоҷикистон ба номи Садриддин Айнӣ ва Театри давлатии академии калони Ӯзбекистон ба номи Алишер Навоӣ ва Театрҳои лӯхтаки Душанбе ва Тошканд ёддошти ҳамкорӣ ба имзо расидааст.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста