Нимҳимоятгари мунтахаби футболи Тоҷикистон Парвизҷон Умарбоев, ки дар дастаи “Локомотив” (Пловдив) бозӣ мекунад, бо дастаи худ ба дарёфти Ҷоми Булғористон шарафёб гардид. Ин ғалаба ба дастаи Умарбоев имкон медиҳад, ки дар марҳилаи интихобии мусобиқаи Лигаи Аврупо иштирок кунад.

Дар Булғористон бозии финалӣ барои дарёфти Ҷоми ин кишвар доир гардида, “Локомотив” бар дастаи ССКА (София) дастболо шуд. Вақти асосӣ ва иловагии бозӣ мусовӣ - 0:0 анҷом ёфта, дар задани зарбаҳои 11-метра “Локомотив” бо ҳисоби 5:2 ғолиб омад.

Футболбози тоҷик Парвиз Умарбоев дар ҳайати асосии даста баромада, 109 дақиқа бозӣ кард ва ба баҳои баланди мутахассисон сазовор гашт.

youtube.com

Бо дарёфти Ҷоми Булғористон дастаи Умарбоев ду сол пайдарпай барои иштирок дар марҳилаи интихобии мусобиқаи Лигаи Аврупо-2020/2021 ҳуқуқ пайдо намуд.

Нимҳимоятгари мунтахаби футболи Тоҷикистон Парвиз Умарбоев аз соли 2016 дар дастаи “Локомотив” (Пловдив) бозӣ мекунад. Дар зарфи 4 сол Умарбоев дар ҳайати ин даста беш аз 100 бозӣ гузаронидааст.

Дар ҳамин ҳол, тибқи фарзияи интернет-поратли маъруфи Олмон - transfermarkt.de, ки махсус ба муайян кардани арзиши бозигарон машғул аст, Умарбоев гаронтарин футболбоз дар ҳайати тими мунтахаби Тоҷикистон мебошад.

Ҳанӯз чанде пеш transfermarkt.de нархи Парвиз Умарбоевро 500 ҳазор евро муайян карда буд. Акнун нархи Парвиз якбора 100 ҳазор афзуда, ба 600 ҳазор евро расид.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.