Аввалин мусобиқаи байналмилалӣ оид ба камонварӣ пас аз карантин 2-4-уми октябри соли 2020 дар Анталияи Туркия баргузор мешавад. Бақайдгирии иштирокчиён аз имрӯз 17-уми август оғоз гардида, то 21 сентябр идома меёбад.
Ба иттилои Кумитаи милли олимпӣ, Кумитаи иҷроияи ташкилоти “Камонварии ҷаҳонӣ” (World Archery) қаблан бо сабаби пандемияи Covid-19 мусобиқаи Ҷоми ҷаҳонро бекор карда буд. Ин чорабинӣ соли оянда ба нақша гирифта шудааст.
Ҷоми ҷаҳон-2021 аз се марҳила иборат хоҳад буд – дар Гуатамелла (19-25 апрел), Шанхай (17-23 май) ва Париж (22-23 июн). Ба ин хотир World Archery иҷозат дод, ки мусобиқаҳои интихобӣ аз 1 сентябри соли 2020 доир карда шаванд. Холҳои бадастовардаи варзишгарон дар чунин мусобиқаҳо то 1 апрел алоҳида ҳисоб карда хоҳад шуд.
Тавре дар изҳороти World Archery қайд мешавад, Анталия аввалин шаҳрест, ки хостори ташкил ва баргузор кардани мусобиқа шуда, ба таъмини амнияти иштирокчиёни мусобиқа омода аст.
“Дар Анталия бояд Чемпионати Аврупо доир мегашт, вале ба соли оянда гузаронида шуд. Инчунин ин шаҳр омодагиашро барои қабули марҳилаи Ҷоми ҷаҳон-2020 изҳор дошта буд”, - омадааст дар изҳорот.
Инчунин World Archery қайд кардааст, ки барои он ки мусобиқа дар Туркия интихобӣ маҳсуб ёбад, бояд дар он ҳадди ақал намояндагони чор давлат ширкат намоянд. Ҳангоми таҳияи нақша бартарӣ ба мусобиқоти инфиродӣ дода мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста