Пагоҳ, 21-уми ноябр, соати 14:00 бо вақти Душанбе, тими миллии футболи Тоҷикистон дар доираи марҳилаи интихобии Ҷоми ҷаҳон оид ба футбол-2026 бо дастаи мунтахаби Покистон дар Исломобод рақобат мекунад.
Дар ин бора Федератсияи футболи Тоҷикистон иттилоъ медиҳад.
Ба иттилоъи манбаъ, тими миллии Тоҷикистон барои баргузор намудани бозии дуюми марҳилаи интихобии Ҷоми ҷаҳон оид ба футбол-2026 аллакай вориди шаҳри Исломобод, пойтахти Покистон шудааст.
Бозӣ дар варзишгоҳи “Ҷинна”-и шаҳри Исломобод баргузор мегардад.
Сармураббии тими миллии Тоҷикистон Петр Сегрт ба Исломобод 24 бозигар – 3 дарвозабон, 7 ҳимоятгар, 10 нимҳимоятгар ва 4 ҳамлагарро бурдааст.
Барои дастгирии тими миллии Тоҷикистон оид ба футбол ба Покистон теъдоде аз мухлисони тоҷик низ сафар хоҳанд кард. Дар ин бора чанде аз блогерони тоҷик бо нашри хабар дар саҳифаҳои худ иттилоъ дода, аз сокинони кишвар даъват карданд, ки онҳоро ҳамроҳӣ кунанд.
Бояд гуфт, ки Тоҷикистон бозии нахустини худро дар марҳилаи интихобии Ҷоми ҷаҳонии футбол-2026 дар гуруҳи “G” дар Душанбе муқобили дастаи Урдун баргузор ва бо ҳисоби 1-1 мусовӣ кард.
Ду дастаи дигари ин гуруҳ – Арабистони Саудӣ ва Покистон дар Ар-Риёз бозӣ карданд. Арабистони Саудӣ дар ин бозӣ бо ҳисоби калони 4-0 ғалаба кард са садрнишини гуруҳ гардид.
Ҳамакнун, дар даври дуюм тими Урдун бо дастаи Арабистони Саудӣ бозӣ хоҳад кард.
Айни ҳол, баъд аз даври якум, тими миллии Арабистони Саудӣ бо 3 имтиёз садрнишини гуруҳи “G” аст. Дастаҳои Урдун ва Тоҷикистон бо 1 холӣ мутаносибан дар зинаҳои 2 ва 3 қарор доранд. Покистон бидуни имтиёз дар мақоми охири гуруҳ қарор гирифтааст.
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Кулли ахбор
Авторизуйтесь, пожалуйста