Душанбе.23-уми сентябр. ОИ «Азия-Плюс» - Соли ҷорӣ   кишоварзони ҷумҳурӣ баҳри ба даст овардани ҳосили фаровони зироатҳои ғалладонагӣ ва лӯбиёгиҳо   пурмаҳсул меҳнат намуда ба натиҷаҳои баланд ноил гардиданд.

           Тибқи маълумоти фаврии вазорат,   дар майдони 292 ҳазору 480 гектар кишти зироатҳои ғаладонагӣ гузаронида шудааст. То имрӯз 227 ҳазору 259 гектари он даравида шудааст,ки 77,7 фоизи нақшаро ташкил медиҳад. 217 ҳазору 565 гектари он кӯфта шудааст, ки нисбати соли гузашта 823 гектар зиёд мебошад. Соли гузашта дар ҳамин давра 216 ҳазору 742 гектарро   ва 17,4 фоизро ташкил медод. Имсол бошад, 18,0 фоизро ташкил медиҳад.Ҳосилнокии зироатҳои ғалладонагӣ ва лӯбиёгиҳо соли ҷорӣ 391 ҳазору 770 тоннаро ташкил медиҳад, ки нисбати соли гузашта 14365 тонна зиёд мебошад. Соли гузашта ин рақам 277 ҳазору 405 тоннаро ташкил медод.  

            Соли ҷорӣ   дар майдони 220 ҳазору 389 гектар   кишти   ғалла гузаронида шудааст,ки 195 ҳазору 225 гектари он даравида шуд, ки баробари 88,6 фоизи иҷрои нақша мебошад. 187 ҳазору 563   гектари он кӯфта шудааст, ки ин рақам   соли гузашта 157 ҳазору 400   гектарро ташкил медод. Нисбати соли гузашта 30163   гектар зиёд мебошад.   Ҳосилнокӣ аз ҳар гектар 18,7 сентнериро ташкил медиҳад, ки баробари соли гузашта мебошад.  

Ҳосилнокии умумии гандум дар ҷумхурӣ   351 ҳазору 246 тоннаро ташкил медиҳад, соли гузашта то ҳамин давра 293 ҳазору 833 тоннаро ташкил медод. Ҳосилнокии умумӣ бошад, нисбати соли гузашта 57413 тонна зиёд мебошад. Дар ин бора аз дафтари матбуоти Вазорати кишоварзии ҷумҳурӣ хабар доданд.