Таҳқиқи парвандаи Завқибек Саидаминӣ, яке аз чор рӯзноманигори боздоштшудаи тоҷик ба анҷом расида, барои муҳокима ба додгоҳи ноҳияи Исмоили Сомонии шаҳри Душанбе ирсол шудааст.
Радиои Озодӣ бо тасдиқи ин хабар навиштааст, ки мақомот таҳқиқи парвандаи Завқибек Саидаминии 38-соларо бар асоси қисми 2-и моддаи 307 (нишонаи 3) ҷамъбаст карда, миёнаҳои моҳи сентябр ба додгоҳ фиристодаанд.
Ҳанӯз рӯзи мурофиа маълум нест ва дар Суди ноҳияи Исмоили Сомонӣ ҳам рӯзи баргузории онро нагуфтаанд.
Ҳабиса Ятимова, модари Завқибек Саидаминӣ дар суҳбат бо Радиои Озодӣ гуфтааст, се моҳ боз писарашро надидааст ва рӯзи шанбеи гузашта, вақте ба қабули вазири корҳои дохилӣ рафт, гуфтанд, дигар имкони вохӯрӣ нест, чун парванда ба суд рафтааст.
- Ба суд ҳам рафтем, тамоман қабул накарданд, – нигаронӣ кардааст модари ӯ.
Дар ҳамин ҳол, вакили дифои Завқибек низ дар бораи парвандаи ӯ тафсилот надода, танҳо гуфтааст, ҳанӯз мурофиа шуруъ нашудааст.
Завқибек Саидаминӣ яке аз чор рӯзноманигори боздоштшудаи тоҷик аст, ки як рӯз пеш аз иди Қурбон, 8 –уми июли соли равон аз ҷониби кормандони мақомоти интизомии шаҳри Ваҳдат боздошт ва дертар барои ҳамкорӣ бо ҳизби дар Тоҷикистон мамнӯи наҳзати ислом ва “Гурӯҳи 24” (созмони мамнӯъ дар Тоҷикистон) гумонбар шуда буд. Худи ӯ ва наздиконаш ҳамеша иртибот ё ҳамкориашро бо ҳизбу ҳаракатҳои мамнӯъ дар Тоҷикистон рад кардаанд.
Ба ғайр аз Завқибек Саидаминӣ боз Абдусаттор Пирмуҳаммадзода ва Далери Имомалӣ низ дар боздоштгоҳ қарор доранд ва интизори ҳукманд.
Дирӯз, 4 –уми октябр Суди ноҳияи Шоҳмансур Абдуллоҳ Ғурбатӣ, яке аз дигар рӯзноманигорони боздоштшудаи тоҷикро 7,5 сол равонаи зиндон кард. Наздиконаш аз ҳукми суд розӣ нестанд ва гуфтанд, ба зинаҳои болоӣ шикоят хоҳанд бурд.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста