Се ноболиғи 6-сола, 10-сола ва 13-сола дар ҷамоати деҳоти Навгилеми шаҳри Исфара аз дуди ангишт заҳролуд шуда, фавтидаанд. Дар ин бора Тайибидин Мухамедов, сардухтури Беморхонаи марказии шаҳри Исфара ба “Азия-Плюс” хабар дод.
Ӯ гуфт, кӯдакон дар пайи дуди ангишт ба беморхона интиқол наёфта, дар ҷои ҳодиса фавтидаанд.
Номбурда афзуд, танҳо модарашон Гулрухсор Яҳёхӯҷаева дар бемористон бистарӣ буда, зери табобати духтурон аст ва вазъи саломатиаш вазнин аст.
Азизов Абдухолиқ, роҳбари Кӯмаки аввалият тибии санитарӣ (КАТС)-и шаҳри Исфара дар суҳбат бо “Азия-Плюс” гуфт, кӯдакон сокинони ҷамоати деҳоти Навгилем буда, онҳоро 19-уми феврал дар оромгоҳи Тӯхтақули Исфара ба хок супурданд.
Ба гуфтаи ӯ, ҳодиса дар хонаи модари Гулрухсор Яҳёхӯҷаева, дар деҳаи Чорқишлоқи Исфара рух додааст. Муслиҳиддин, падари хонавода дар муҳоҷирати меҳнатӣ дар Русия қарор дошт.
Ёдовар мешавем, ки дар бораи фавти се нобилиғ аз дуди ангишт аввалин шуда Марҳабо Мусодухт, як сокини шаҳри Исфара дар саҳифаи фейсбукаш хабар дод ва гуфт, “шаби 19 феврали соли 2023 дар ҷамоати Навгилем се фарзанди хурдсоли як оила, ки 13 сола, 10 сола ва 6 сола буданд, аз дуди ангишт заҳролуд шуда, ба ҳалокат расидаанд”.
Бояд гуфт, ки ҳар сол бо фаро расидани ҳавои сард сокинони рустоҳои Тоҷикистон хонаҳои худро бо ҳезуму ангишт гарм мекунанд. Дар баъзе маврид риоя накардани қоидаҳои бехатарӣ боиси заҳролудшавии сокинон мегардад.
Аз ҷумла шаби 19-уми январ дар деҳаи Гулрези ноҳияи Хуросон бар асари заҳролудшавӣ аз дуди ангишт се нафар ҷон бохтанд.
Ҳамчунин, рӯзи 22-юми январ як зану шавҳари ҷавон дар дохили ҳаммом аз дуди ангишт ҷон доданд.
Дар чунин як ҳодиса дар деҳаи Қалъаи Дӯст, ҷамоати деҳоти Ваҳдати ноҳияи Деваштичи вилояти Суғд марди 80-солае фавтида буд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста