Душанбе. 16-уми август. «Азия-Плюс» — | Шӯрои нозирони ҶСК «НОБ Роғун» бояд то ахири ҳафта масъалаи тамдиди мӯҳлати суратҳисобҳои депозитии ҶСК «НОБ Роғун»-ро ҳал намояд.
Тавре ба ОИ «Азия-Плюс» аз Вазорати молияи ҷумҳурӣ иттилоъ доданд, феълан аз ҳисоби маблағҳои ҶСК «НОБ Роғун» дар панҷ бонки тиҷоратии Тоҷикистон ба сифати суратҳисоби депозитӣ дар ҳаҷми 157 млн. сомонӣ мблағгузорӣ шудааст.
«Маблағҳо ба муддати як сол пешниҳод гардида, мутобиқи қарордод, имрӯз мӯҳлати баргардонидани онҳо фаро расид, вале чун ҳамаи панҷ бонк расман бобати дароз кардани мӯҳлати суратҳисоби депозитӣ дархост карданд, феълан аз нигоҳи ҳуқуқӣ ҷараёни интизорӣ амал мекунад ва ҳатман маблағи пулиро баргардонидан аз ҷониби онҳо шарт нест», - шарҳ доданд дар Вазорати молия.
Бино ба иттилои манбаъ, далели асосии дархости мазкури бонкҳо дар он ифода меёбад, ки ин воситахо барои пешниҳоди қарз ба бахши воқеъии иқтисод истифода шуда, саривақтӣ будаанд.
«Ғайр аз ин, аз гардиш баровардани маблағи зиёди пулӣ метавонад ба сатҳи пардохтпазирии бонкҳо таъсири манфӣ гузорад», - гуфт манбаъ.
Бино ба маълумоти Вазорати молияи ҷумҳурӣ, маблағҳои пулии «Роғун» дар ҳаҷми умумии 157 млн. сомонӣ (33,2 млн. $), ки аз ҷониби давлат ба суратҳисоби депозитии панҷ бонки ҷумҳурӣ гузошта шуда буданд, дар муддати як сол ба маблағи 11,9 млн. сомонӣ (2,5 млн. $) даромад оварданд.
Маблағи аз ин ҳисоб гирифтаи бонкҳо ба тариқи зайл аст: ҶСК «Агроиннвестбонк» - 118,2 млн., «Тоҷиксодиротбонк» - 20,3 млн., «Бонки рушди Тоҷикистон» - 2,8 млн., «Тоҷпромбонк» - 11,1 млн. ва «Фонон Бонк» - 5 млн. сомонӣ.
Мутобиқи қарордоди баимзораисда миёни бонкҳои мазкур ва Вазорати молияву ҶСК «НОБ Роғун», ин воситаҳо ба муддати як сол пешниҳод гардида, замони имзои қарордод меъёри бозтамвил 8% ва баҳори соли равон то 9% боло бурда шуд.
Дар мусоҳиба ба хабарнигори ОИ «Азия-Плюс» намояндагони ҶСК «Агроинвестбонк» ва ҶСП «Фононбонк» изҳор карданд, ки онҳо ба ҷуз тамдиди мӯҳлати амали суратҳисобҳои депозитӣ, ҳамчунин ҷудо кардани маблағи пули иловагӣ аз ин ҳисобро низ дархост намудаанд.
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Қаҳвахона ва тарабхонаҳои писандидаи муҳоҷирон дар Маскав баста мешаванд
7 медали Тоҷикистон. Ҷадвали ғолибони мусобиқоти “Dushanbe Grand Slam 2024” маълум шуд
Паёмади боришоти шадид дар манотиқи Тоҷикистон
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Кулли ахбор
Авторизуйтесь, пожалуйста