Дар нишасти хабарии бахшида ба 5-умин солгарди таъсиси Бонки рушди Авруосиё дар шаҳри Алмаато раиси раёсати Бонки рушди Авруосиё Игор Финогенов изҳор кард, ки Бонки рушди Авруосиё аз сатҳи ҳамкориҳо бо Тоҷикистон қаноатманд буда, минбаъд низ ба дастгирии лоиҳаҳои сармоягузорӣ дар ин кишвар омода аст.
Ӯ қайд кард, ки айни замон масъалаи маблағгузорӣ ба бахши гидроэнергетикаи Тоҷикистон, аз ҷумла таҷдиди техникии нерӯгоҳи обӣ-барқии «Норак» мавриди баррасӣ қарор дорад.
«Агар мувофиқа ҳосил шавад, Бонки рушди Авруосиё (БРАО) ба дастгирии ин лоиҳа, ки садҳо миллион доллари ИМА-ро ташкил медиҳад, омода аст, зеро ин лоиҳа барои Тоҷикистон хеле муҳим буда, мо ба дастгирии он қодирем», - гуфт вай.
И. Феногенов зикр кард, ки Тоҷикистон қисмати дуюми қарз аз Фонди зиддибӯҳронии Иттиҳоди иқтисодии Авруосиё (ЕвраЗЭС)-ро дархост накардааст, «зеро вазъи буҷет дар Тоҷикистон мусоид буда, ба ин кор зарурат нест». Қисмати аввали қарз аз Фонди зиддибӯҳронии ЕврАзЭС дар ҳаҷми 70 млн. доллари ИМА ба мӯҳлати 20 сол тобистони соли гузашта ба Тоҷикистон ҷудо гардида буд.
Ба гуфтаи Финогенов, айни замон БРАО ҳудуди 40 лоиҳаи сармоягузориро амалӣ сохта, беш аз 3 млрд. доллари ИМА сандуқи сармоягузории андӯхтаро доро мебошад. Аз ҳаҷми умумии сандуқи сармоягузории бонк ба санаи 30-юми сентябри соли 2011 ба Русия 46,3; Қазоқистон – 36,5; Белорус – 10,1; Арманистон – 2; Тоҷикистон – 1,3 ва кишварҳои дигар – 3,8%-и маблағ рост меояд.
Ёдрас мекунем, ки Бонки рушди АвруОсиё созмони байнулмилалии молиявӣ буда, бо мақсади мусоидат ба рушди иқтисодӣ ва густариши равандҳои ҳамгиройӣ дар минтақаи Аврупову Осиё таъсис дода шудааст. Бонки мазкур дар асоси созишномаи байнидавлатии Русияву Қазоқистон соли 2006 бо ташаббуси сарони ин ин кишварҳо таъсис ёфт. Айни замон Русия, Қазоқистон, Белорус, Тоҷикистон ва Қирғизстон дар ҳайати он шомил мебошанд. Дар таърихи 22 июни соли 2009 Тоҷикистон ҳиссаи худ дар ҳаҷми 500 ҳазор доллари ИМА-ро ба БРАО ворид сохта, узви комилҳуқуқи он гардид. Феълан ҳаҷми сармояи оинномавии БРАО беш аз 1,5 млрд. доллари ИМА-ро ташкил медиҳад.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста