Ширкати ҳавопаймоии «Тоҷик Эйр» ҷиҳати бо ҳайаташ ба лизинг додани ҳавопаймоҳои истеҳсоли шӯравӣ гуфтушунид дорад.
Ба гуфтаи директор дар умури тиҷорат ва муносиботи байнулмилалии ширкати «Тоҷик Эйр» Исмоил Ғаффоров, солҳои наздик ширкат ният дорад, ки парки ҳавопаймоҳоро нав намояд. «Барои бекор намондани ҳайати сарнишинон ва кормандони техникии ҳавопаймоҳое, ки қаблан истифода мешуданд, ин ҳавопаймоҳо бо ҳайати шахсӣ ва кормандони техникиаш ба лизинг дода мешаванд», - гуфт вай.
Ба қавли ӯ, ҳамчунин ҳавопаймоҳое, ки дар ширкат нигаҳдорӣ мешаванд, низ ба фурӯш гузошта мешаванд. «Феълан аз 36 ҳавопаймо танҳо 14-тоаш коршоям буда, боқимонда муддати зиёдест, ки дар ширкат нигаҳдорӣ мешаванд. Миёни онҳо ҳавопаймоҳои Ту-134 ва Як-40 низ мавҷуданд», - иброз дошт Ғаффоров.
Намояндаи ширкти ҳавоаймоӣ изҳор кард, ки як қатор ширкатҳо хоҳиши хариди ҳавопаймоҳои корношоями ширкатро кардаанд ва шояд чанде аз ин ҳавопаймоҳо ба қисмҳои эҳтиётӣ ҷудо ва фурӯхта шаванд.
Ғаффоров зикр кард, ки тамоми масоили марбут ба фурӯши ҳавопаймоҳо бо Кумитаи амволи давлатӣ мувофиқа хоҳанд шуд, зеро ин муассисаи давлатӣ молики ягонаи ширкати ҳавопаймоӣ аст.
Ба гуфтаи директори техники ҶСК «Тоҷик Эйр» Сӯҳроб Ҷӯраев, ба навъи боркаш табдил додани чанде аз ҳавопаймоҳои мусофирбар ба нақша гирифта шудааст, вале барои ин вақти зиёд, таҳияи тарҳи техникӣ ва маблағи пулӣ зарур аст.
Бино ба маълумоти ширкат, соли гузашта барои дар ҳолати коршоям нигоҳ доштани ҳавопаймоҳои дар истифода қарордошта беш аз 20 млн. сомонӣ маблағ хароҷот шудааст.
Айни замон дар парки ҳавопаймоии ширкати «Тоҷик Эйр як ҳавопаймои Боинг 757-200, ду Боинг 737-500, як Боинг 737-300, ду Ту-154М, як Ан-24, як Ан-26, ду Ан-28, як Як-40 ва се чархболи Ми-8МТВ мавриди истифода қарор доранд.
Ғайр аз ин, ахири соли гузашта ширкати «Тоҷик Эйр» як ҳавопаймои МА-60-и истеҳсоли Чинро дастрас кард. Айни замон ҷиҳати баҳори соли равон харидани боз як ҳавопаймои Ма-60 бо корпоратсияи чиноии Xian Aircraft International Cooperation гуфтушунид идома дорад.
Соли 2011 ширкати «Тоҷик Эйр» дар бораи нияти дастрас кардани ду ҳавопаймои Sukhoi Superjet-100-и истеҳсоли Русия дар соли 2014 созишнома ба имзо расонид.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста