Як ҳайати Тоҷикистон дар намоишгоҳи махсуси VII-уми маводи ғизоӣ ва нӯшокиҳои «ExpoFood», ки чанде қабл дар шаҳри Сочи баргузор гардид, иштирок кард.
Тавре ба ОИ «Азия-Плюс» аз Палатаи савдо ва саноати ҷумҳурӣ хабар доданд, ҳайати Тоҷикистонро дар ин чорабинии серӯза директори генералии ПСС вилояти Суғд Мақсуд Зиёбоев роҳбарӣ намуда, дар намоишгоҳ маҳсулоти ширкатҳои тоҷикистонии ҶСП «Оби зулол», ҶСК «Комбинати консерваи Хуҷанд», ҶСП КМ «Хуҷанд Пакежинг», ҶДММ «Кулқанд», ҶДММ «Баракат Исфара» ва ҶДММ «Исфарафуд» ба маърази тамошо гузошта шуданд.
Ба иттилои манбаъ, дар доираи чорабиниҳои намоишгоҳ соҳибкорони тоҷик бо ҳамтоёни худ дидору гуфтушунид анҷом доданд. «Ҳамчунин ҳайати Тоҷикистон дар кори конфронс, семинар ва мизҳои гирд, ки ба масоили тақвияти ҳамкорӣ бахшида шуда буданд, низ ширкат варзид», - гуфтанд дар ПСС ҶТ.
Зимни суханронӣ дар чорабинии мазкур М.Зиёбоев таъкид кард, ки намоишгоҳ барои рушди мутақобилаи ҳамкориҳои тиҷоративу иқтисодӣ, муайян кардани самтҳои афзалиятноки сармоягузорӣ, муттаҳид сохтани кӯшишоти ҷонибҳо баҳри амалисозии як қатор лоиҳаҳои муштарак ва таъсиси корхонаҳои муштарак дар бахши истеҳсоли маводи ғизоӣ ва нӯшокиҳо шароити мусоид фароҳам меоварад.
Дар навбати худ раиси Палатаи савдо ва саноати шаҳри Сочи Вадим Левченко густариши робитаҳо бо корхонаҳои Тоҷикистонро таъкид намуда, изҳор кард, ки дар бахшҳои иқтисоду савдо, алоқа, кишоварзӣ ва саноати кӯҳкориву зербино миёни кишварҳо ҳамкориҳои муваффақона ба роҳ монда шудаанд, ки ба рушди иқтисодиву иҷтимоии кишварҳо такони ҷиддӣ мебахшад.
7 медали Тоҷикистон. Ҷадвали ғолибони мусобиқоти “Dushanbe Grand Slam 2024” маълум шуд
Паёмади боришоти шадид дар манотиқи Тоҷикистон
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Кулли ахбор
Авторизуйтесь, пожалуйста