Зимни мулоқоти вазири кишоварзии Тоҷикистон Қосим Қосимов бо сафири Британияи Кабир дар ҶТ Ҷереми Орд-Смит вазъи кунунӣ ва дурнамои ҳамкориҳои Тоҷикистону Британияи Кабир дар бахши кишоварзӣ мавриди баррасӣ қарор гирифтанд.
Тавре аз хадамоти матбуоти Вазорати кишоварзии ҷумҳурӣ иттилоъ доданд, Қосимов ба сафир роҷеъ ба вазъи имрӯзаи бахши кишоварзии Тоҷикистон маълумоти муфассал дода, аз ҷумла зикр кард, ки агар 20 сол қабл соҳаи пахтакорӣ беш аз 70%-и заминҳои обёришавандаро ишғол мекард, феълан ин нишондиҳанда ба ҳудуди нисфи он баробар шудааст.
«Минбаъд Тоҷикистон ният дорад, ки тавассути афзоиши сатҳи даромаднокии деҳқонон бо истифода аз технологияҳои муосир, ҳархеласозии истеҳсол ва тақвияти имконоти содироти маҳсулоти кишоварзӣ ба ҳалли масъалаи таъмини амнияти озуқавории кишвар мусоидат намояд ва аз ин рӯ, табодули таҷриба бо фермерони муваффақи Британияи Кабир мувофиқи мақсад аст», - гуфт вазир.
Дар идома зикр гардид, ки дар бахшҳои рустанипарвариву боғдорӣ ва чорводориву илми кишоварзӣ низ шароитҳои мусоиди ҳамкорӣ вуҷуд доранд.
Дар навбати худ сафири Британияи Кабир қайд кард, ки кишвараш ба раванди минбаъдаи ислоҳот ва рушди бахши кишоварзии Тоҷикистон ва ҳамчунин таҳкими муносибатҳои ҳамкорӣ миёни соҳибкорон ва фермерони ду кишвар манфиатдор аст.
Ба қавли вай, тайи солҳои ахир аз ҷониби Вазорати рушди байнулмилалии Британияи Кабир (DFID) ба ин бахш беш аз 13 млн. фунт стерлинг маблағ ҷудо гардида, минбаъд ҷалби сохторҳои тиҷоратии Британия ба иқтисоди Тоҷикистон, бахусус ба бахши кишоварзӣ дар назар аст.
Сафир инчунин илова намуд, ки як қатор ширкатҳои маъруфи кишвараш ба маҳсулоти кишоварзии Тоҷикистон таваҷҷуҳ зоҳир намуда, барои омӯзиши имконоти роҳандозии ҳамкорӣ дар ин самт аз Тоҷикистон боздид карданианд.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста