Нахустин ҳайати тиҷоратии Британияи Кабир иборат аз намояндагони 9 ширкатҳои соҳаҳои гуногун имрӯз ба Тоҷикистон ташриф меорад.
Бино ба иттилои сафорати Британияи Кабир дар ҶТ, намояндагони ҳайат имкониятҳои савдо ва сармоягузорӣ дар Тоҷикистонро мавриди омӯзиш қарор дода, баҳри равнақи ҳамкориҳо бо ҳукумати Тоҷикистон, соҳибкорон ва намояндагии ташкилотҳои маблағгузор кӯшиш ба харҷ хоҳанд дод. Ҳайатро директори ширкати Бритиш Экспертиз (British Expertise) ва Гурӯҳи Маълумот оиди Бизнес дар Осиёи Маркази ва Қафқоз (CATBIG) Найҷел Петерс сарварӣ мекунад.
Намояндагони ҳайати тиҷоратӣ бо вазири рушди иқтисод ва савдои Тоҷикистон Шариф Раҳимзода, мушовири давлатии президент дар умури иқтисод Фаррух Ҳамраалиев ва раиси Кумитаи давлатии сармоягузорӣ ва идораи амволи давлатии ҶТ Давлаталӣ Саидов мулоқот хоҳанд кард. Дар назар аст, ҳайат бо як зумра соҳибкорон, вазоратҳо ва намояндагии ташкилотҳои маблағгузор вохӯрӣ анҷом диҳанд ва аз имконотҳои фаъолият дар Тоҷикистон шиносоӣ пайдо кунанд.
Дар ҳамин ҳол, бино ба маълумоти ВКХ ҶТ, бо анҷоми сафари ҳайати тиҷоратии бритониёӣ рӯзи 18-уми апрел роҳбари намояндагии Вазорати савдо ва сармоягузории Британияи Кабир дар Туркия, Осиёи Миёна ва Қафқоз Ли Турнер бо сафари серӯзаи корӣ ба Тоҷикистон ташриф меорад.
Бино ба маълумоти Агентии омори назди президенти ҶТ, соли гузашта ҳаҷми муомилоти молӣ миёни Тоҷикистону Британияи Кабир беш аз 25 млн. доллари ИМА-ро ташкил дод, ки нисбат ба нишондиҳандаи соли 2011 ба андозаи 4,4 маротиба зиёдтар аст. Содироти маҳсулот аз Тоҷикистон дар ҳаҷми умумӣ каме бештар аз 1% (291 ҳазор $)-ро ташкил медиҳад.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста