Душанбе. 27-уми апрел. ОИ «Азия-Плюс» - Наҷотдиҳандагони Кумитаи ҳолатҳои фавқулодда ва мудофиаи граждании Тоҷикистон чанде қабл корҳои ҷустуҷӯи ҷасадҳои зери тармамонда дар ағбаи Шаҳристонро ба охир расонида, рӯзи 25-уми апрел ҷасади ронандаи КАМАЗ, сокини ноҳияи Восеъ Илҳом Абдуллоев ва 26-уми апрел ҷасадҳои сокинони ноҳияи Истаравшан Хуршед Сабуров ва Умед Ҷабборовро пайдо карданд.

Тавре аз маркази матбуоти КҲФ ва МГ ҶТ ба ОИ «Азия-Плюс» хабар доданд, шаби 19 ба 20-уми апрел дар километри 190-уми роҳи мошингарди Душанбе-Хуҷанд тарма фаромада буд, ки бар асари он 9 мошин зери он монда буданд. Рӯзи 20-уми апрел наҷотдиҳандагон ҷасади сокини ноҳияи Панҷакентро дарёфт карда буданд.