Бориши барфу борон боиси маҳдудияти муваққатии ҳаракат дар роҳи Душанбе-Чаноқ шудааст. Ҳоло ҳаракати нақлиёт дар ҷода яксамта боз аст, вале барои ҷилавгирӣ аз сарборӣ баъзе маҳдудиятҳо ҷорӣ гардидааст. Дар ин бора аз маркази матбуоти филиали “Инновейтив Роуд Солюшнз ЛТД” (IRS) дар Тоҷикистон ба “Азия-Плюс” хабар доданд.
Ба гуфтаи манбаъ, аз километри 54 то 178-ум барф боридааст ва кормандони филиал ба тоза кардани он машғуланд.
“Мошинҳои сабукрав бидуни маҳдудият ҳаракат мекунанд. Аммо барои мошинҳои вазнини боркаш, микроавтобусҳо ва мошинҳои ядакдор маҳдудияти фосилавӣ ҷорӣ карда шудааст. Яъне дар ҳар 10 дақиқа 1 мошини вазнин мегузарад”, - гуфтанд аз маркази матбуоти IRS.
Ин манбаъ афзуд, ки боришоти шадиде, ки шаби гузашта шуд, субҳи имрӯз дар километри 119 - уми роҳи Душанбе - Чаноқ лағзиши кӯҳпораро ба амал овард, ки дар натиҷа 50 метр роҳ вайрон шуд.
Мутахассисони IRS дар минтақаи Зарафшон барои барқарор кардани ҳаракати нақлиёт техникаю механизмҳоро зуд сафарбар кардаанд. Дар ҳоли ҳозир, ҳаракати нақлиёт яксамта барқарор шудааст.
“Тибқи дастури роҳбарияти филиал мутахассисон барои ҳарчи зудтар таъмири қитъаи зарардида чораҳои зарурӣ меандешанд, то ҳаракати нақлиёт дар ҳарду самтро барқарор созанд”, - гуфт ҳамсӯҳбати мо.
Бояд гуфт, ки дирӯз, 22-юми ноябр, дар аксар манотиқи Тоҷикистон борон боридааст. Дар манотиқи кӯҳӣ бошад, барф боридааст. Аз ҷумла, дар ноҳияи Шамсиддин Шоҳин низ барф боридааст.
Дар саросари кишвар низ ҳарорати ҳаво то 10-12 дараҷа паст шуд.
Ширкати IRS дар ин робита ба ронандагоне, ки дар чунин рӯзҳо азми сафар доранд, чанд тавсия додааст:
- ҳолати техникии мошини худро ҷиддӣ аз назар гузаронанд, то дар роҳ ба мушкил мувоҷеҳ нашаванд;
- чархҳои зимистона насб намоянд, ронандагони мошинҳои боркаши калон ҳатман занҷирҳои зидди яхбандӣ гиранд;
- ҳангоми ҳаракат дар роҳи Душанбе – Чаноқ, дар қиёс ба мавсими гармо, фосилаи бештар гиранд;
- агар мошинашон ба мавсими сармо омода нест, беҳтар аст, муваққатан аз сафар худдорӣ намоянд;
- тавсияҳои кормандони IRS, БДА ВКД, КҲФ-ро дар мавриди маҳдуд намудани ҳаракати мошинҳо дар қитъаҳои ҷудогонаи роҳ ҳангоми мавҷудияти эҳтимолияти тармафароӣ, лағзиши кӯҳпора ва сангфароӣ бечунучаро риоя намоянд.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста