Аҳмадҷон Абдуллозода, додраси Додгоҳи ноҳияи Панҷи вилояти Хатлон дар пайи як садами нақлиётӣ ба ҳалокат расидааст. Дар ин бора сомонаи ҳафтаномаи “Фараж” хабар медиҳад.
Ба навиштаи манбаъ, додрас рӯзи 20-уми декабри соли 2023 дар шоҳроҳи Душанбе - Бохтар, дар ҳудуди ноҳияи Хуросон садама кардааст. Ҳодиса тахминан соати 18:00 дақиқа рух дода, пас аз 40 дақиқаи рух додани садама ӯ ба беморхона расонида шудааст.
Муҳаммад Бердиев, муовини сардухтури Беморхонаи марказии ноҳияи Абдураҳмони Ҷомӣ ба ин нашрия гуфтааст, Аҳмадҷон Абдуллозода осеби ҷиддӣ бардошта буд.
“Маҷрӯҳро аввал ба беморхонаи шаҳраки Уялии ноҳияи Хуросон бурда, баъдан ба Беморхонаи марказии ноҳияи мо интиқол доданд. Вазъи саломатии Абдуллозода бениҳоят бад буд. Ҳангоми садама сутунмӯрааш аз қисмати гардан шикаста буд”, - гуфтааст Бердиев.
Муовини сардухтур афзудааст, ки марҳум то лаҳзаи охирин зери таҷҳизоти нафасдиҳии сунъӣ қарор дошт ва шаби гузашта, 4-уми январ, ба ҳалокат расид.
Ба иттилои “Фараж”, ҳини садама ҳамроҳ бо марҳум Абдуллозода, котиби Додгоҳи ноҳияи Панҷ Шералӣ Имоммирзоев ҳузур доштааст. Муовини сардухтури Беморхонаи марказии ноҳияи Абдураҳмони Ҷомӣ гуфтааст, ки вазъи саломатии котиби додгоҳ хуб арзёбӣ мешуд ва пас аз муоина ӯро аз беморхона рухсат доданд.
Дар ҳамин ҳол, манбаъ менависад, барои фаҳмидани ҷузъиёти садама бо котиб Имоммирзоев ба тамос баромада натавонистаанд: “Ӯ ба зангҳои мо ҷавоб надод”.
“Замони садамаи нақлиётӣ котиби Додгоҳ Шералӣ Имоммирзоев пушти чамбарак ва додрас Аҳмадҷон Абдуллозода дар нишастгоҳи қафои худрав қарор доштаанд. Мошини онҳо, пас аз зарбаи сахт аз пушт, мувозинатро гум карда, чанд маротиба ба монеаҳои тарафи чапу рости роҳ бархӯрдааст. Маҷрӯҳонро ҳам гӯё ронандаи иштирокчии садама ба беморхона расонидааст”, - бо такя ба манобеи дигар навиштааст “Фараж”.
Ба иттилои хадамоти матбуоти раисҷумҳури Тоҷикистон, Абдуллозода Аҳмадҷон Баҳрӣ соли 2018 бо фармони Эмомалӣ Раҳмон додраси Додгоҳи ноҳияи Панҷи вилояти Хатлон таъйин карда шудааст.
Қаблан Абдуллозода Аҳмадҷон Баҳрӣ додраси Додгоҳи ноҳияи Синои шаҳри Душанбе будааст.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста