Як зан дар вилояти Суғд ҳангоми таваллуди фарзанд дар таваллудхонаи вилоятӣ фавтидааст. Дар Раёсати тандурустии вилояти Суғд хабари фавти фарзанд ва кӯдакро тасдиқ карданд, аммо аз пешниҳоди тафсилоти бештар худдорӣ карданд.
Тибқи иттилои дастрасгардида, ин зан Мадинабону Узоқоваи 41-сола, сокини шаҳри Истаравшан аст, ки барои таваллуди фарзанди сеюми худ ба таваллудхонаи вилоятӣ рафтааст.
“Ӯ ҳангоми таваллуд, 12-уми апрел, фавтидааст. Кӯдакашро ҳам наҷот дода нашудааст”, - гуфт як манбаъ аз Раёсати тандурустии вилояти Суғд.
Аммо ӯ сабаби марги зан ва кӯдаки ӯро шарҳ надод. Дар ин раёсат гуфтанд, ки пас аз тафтишот сабаби марги зану фарзанд маълум карда мешавад.
Пайвандони зани фавтида ҳам дар бораи сабаби марги Мадинабону Узоқова шарҳе надодаанд.
Наим Назриев, раиси деҳаи Лакати шаҳри Истаравшан, зодгоҳи Мадинабону, дар суҳбат ба “Азия-Плюс” гуфт, ҷасади занро 13-уми апрел дар зодгоҳаш ба хъок супоридаанд.
Ёдовар мешавем, ки қабл аз ин ҳам номи ин таваллудхона бо сабаби фавти модар ва кӯдак дар сархати расонаҳо қарор гирифта буд. Аз ҷумла, соли 2023 дар ин таваллудхона Дилфуза Қаюмова, сокини 38-солаи шаҳри Истаравшан ҳам ҳангоми таваллуд фавтида буд.
Ҳамин сол як сокини 34-солаи ноҳияи Зафаробод ҳам баъди чор ҷарроҳӣ ва 70 рӯзи бистарӣ дар шӯъбаи эҳё, дар ин таваллудхона ҷон бохта буд.
Пештар аз ин дар ин таваллудхона шашгоники таваллудшуда ҳам фавтида буд, ки боиси барканории роҳбар ва муҷозоти чанд корманди он гардида буд.
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Даргузашти муҷассамасози шинохта Игор Иванов
Баъди супоридани нота Сергей Лавров ба Сироҷиддин Муҳриддин занг зад
Як “эстакада”-и Душанбе бо беш аз 28 млн евро қарзи БАТР сохта мешавад
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Кулли ахбор
Авторизуйтесь, пожалуйста