Душанбе. 25-уми май. «Азия-Плюс» — Тафтишоти пешакии парвандаҳои ҷиноӣ нисбат ба ҳафт тан аз ҳаммаслакони Маҳмуд Худойбердиев ба анҷом расида, онҳо ҷиҳати моҳиятан баррасӣ шудан ба додгоҳ ирсол гардиданд.
Тавре ба хабарнигори ОИ «Азия-Плюс» сармуфаттиши мақомоти додситонии вилояти Хатлон Баҳром Шомиров хабар дод, ҳафт нафар ҷонибдорони полковники ошӯбгар – Умаралӣ Қурбонзода, Саидқул Эшонқулов, Қудратулло Қодиров, Шамсиддин Ғуломов, Раҷабалӣ Ғафуров, Икром Тӯрахонов ва Ҳокимҷон Донаев моҳи марти соли 1998 ҳамроҳи Маҳмуд Худойбердиев марзи давлатии Ӯзбекистонро убур намуда, ба тамрингоҳи саҳроии генерал Дӯстум дар Афғонистон раҳсипор шуданд. «Пас аз омодагирии панҷмоҳа онҳо ба ҷамоати деҳоти Ҷиззахи Ӯзбекистон баргашта, шаби 4-уми ноябр ба вилояти Суғд ҳуҷуми мусаллаҳона анҷом доданд», - гуфт сармуфаттиш.
Ба қавли мавсуф, пас аз чандин соли иқомат дар қаламрави Ӯзбекистону Русия онҳо ба ватан баргаштанд ва аввали соли равон аз ҷониби мақомоти ҳифзи ҳуқуқи вилояти Хатлон боздошт шуданд. «Нисбат ба ҳамаи гумонбаршудагон додситонии вилояти Хатлон мутобиқи моддаҳои 185 қ. 1 (Ташкили гурӯҳи мусаллаҳи ғайриқонунӣ ё иштирок дар он), 186 қ. 2 (Бандитизм), 187 қ. 2 (Иштирок дар гурӯҳи ҷиноятпеша), 306 (Ғасби зӯроваронаи ҳокимият ё нигаҳдории зӯроваронаи ҳокимият) ва 313 (Ошӯби мусаллаҳона)-и КҶ ҶТ парвандаи ҷиноӣ боз намуда буд», - афзуд Баҳром Шомиров.
Шаби эҷодии Ҳошим Гадо дар Душанбе бидуни ҳузури худаш гузашт
Нархи сӯзишвории дизелӣ дар Осиёи Марказӣ ва кишварҳои собиқи Иттиҳоди Шӯравӣ
Вазири корҳои хориҷии Чин ба Тоҷикистон меояд
Тамдиди муҳлати ҳабси чаҳор гумонбари асосии ҳамлаи террористӣ ба “Крокус”
Рӯзҳои истироҳат дар Тоҷикистон боришоти пуршиддат дар назар аст
Ҳисоббаробариҳои Тоҷикистону Русия бо рубл ба 80% расиданд
Муҳлати таътили мактабхонҳо дар Тоҷикистон кам карда шуд
Дар Панҷакент кӯшки асрҳои VI-VIII кашф шуд
Эмомалӣ Раҳмон прокурорҳои генералии кишварҳои узви СҲИ-ро ба ҳузур пазируфт
Навраси 13-сола дар дарёи Хонақоҳи Ҳисор ғарқ шуд
Кулли ахбор
Авторизуйтесь, пожалуйста