Хуҷанд. 13-уми июл. «Азия-Плюс» — Дар вилояти Суғд мурофиаи додгоҳии сокини Хуҷанд, ки ба дуздии автомобилҳои тамғаи «Опел-Астра» ва маводи арзишманд аз дохили онҳо муттаҳам дониста шуд, ба итмом расид.
Тавре ба ОИ «Ази-Плюс» додраси додгоҳи шаҳри Хуҷанд Шӯҳрат Аҳроров хабар дод, сокини 43-солаи шаҳри Хуҷанд Бахтиёр Ҷалилов мутобиқи мода 244, қ.4 (Дуздӣ), 339 қ.2 (Тасарруф ё вайрон кардани ҳуҷҷат, штамп, мўҳр) ва 340, қ.1 (. Сохтакорӣ, тайёр кардан ё ба соҳибияти каси дигар додани ҳуҷҷат, мукофоти давлатӣ, штамп,мўҳр ва бланкаҳои қалбакӣ)-и КҶ ҶТ гунаҳкор дониста шуда, бо мусодираи амвол ба муддати 9 сол ба зиндони низомаш шадид маҳкум карда шуд.
Моҳи сентябри соли 2007 дар шаҳри Хуҷанд Б.Ҷалилов автомашинаи тамғаи «Жигули» (арзишаш 18 ҳазору 500 сомонӣ)-ро дуздида, худи ҳамон рӯз онро бо қимати 3 ҳазор сомонӣ мефурӯшад.
Моҳи ноябри соли 2007 дар ноҳияи Бобоҷон Ғафуров ҷинояткор зимни санҷиши ҳуҷҷатҳои ронанда аз ҷониби кормандони БДА, автомашинаи тамғаи «Опел-Астра»-ро рабуда, пас аз як моҳ онро дар шаҳри Душанбе ба маблағи 1,5 ҳазор сомонӣ фурӯхтааст.
Ахири моҳи сентябри соли 2009 бошад, дар ноҳияи Бобоҷон Гафуров ӯ аз дохили автомашинаи «Опел-Астра» шиму костюм, ду адад телефони мобилӣ ва ҳуҷҷатҳои техникии автомашинаро медуздад.
Дар таърихи 13-уми апрели соли 2011 Ҷалилов ният дошт, ки боз як автомашинаи «Опел-Астра»-ро бидуздад, вале ҳангоми ҳаракат дар роҳи мошингарди Истаравшан-Хуҷанд аз ҷониби кормандони Бозрасии давлати автомобилии шаҳри Истаравшан боздошт мегардад.
Вазири корҳои хориҷии Чин ба Тоҷикистон меояд
Тамдиди муҳлати ҳабси чаҳор гумонбари асосии ҳамлаи террористӣ ба “Крокус”
Рӯзҳои истироҳат дар Тоҷикистон боришоти пуршиддат дар назар аст
Ҳисоббаробариҳои Тоҷикистону Русия бо рубл ба 80% расиданд
Муҳлати таътили мактабхонҳо дар Тоҷикистон кам карда шуд
Дар Панҷакент кӯшки асрҳои VI-VIII кашф шуд
Эмомалӣ Раҳмон прокурорҳои генералии кишварҳои узви СҲИ-ро ба ҳузур пазируфт
Навраси 13-сола дар дарёи Хонақоҳи Ҳисор ғарқ шуд
Фолбиниву ҷодугарӣ акнун ҷиноят аст. Ҷазо барои ин амалҳо пурзӯр шуд
Обуҳавошиносон: Имрӯз Тоҷикистонро чангу ғубор фаро мегирад
Кулли ахбор
Авторизуйтесь, пожалуйста