Хуҷанд. 21-уми июл. «Азия-Плюс» — | Додгоҳ муовини раиси ҷамоати Исмоили ноҳияи Бобоҷон Ғафуровро барои ришваситонӣ ба муддати 2,5 сол маҳкум кард.
Тавре ба ОИ «Азия-Плюс» раисикунандаи ин мурофиа, муовини раиси додгоҳи ноҳияи мазкур Одилбой Усмонов хабар дод, муовини раиси ҷамоат Додоҷон Каримов моҳи апрели соли равон ҳангоми гирифтани пора ба маблағи 200 доллари ИМА дар ҳуҷраи кориаш аз ҷониби кормандони Агентии зиддифасоди вилояти Суғд боздошт шудааст.
Маблағро ӯ аз сокини маҳаллӣ Х.М. барои мусоидат дар ҳалли масъалаи ҷудо кардани қитъаи замин барои сохтмони манзили зист, ки ба салоҳияти ӯ дохил нест, талаб кардааст.
Додгоҳ Каримовро дар содир намудани ҷиноят мутобиқи моддаи 319, қ. 1-и КҶ ҶТ (Аз ҷониби шахси мансабдор шахсан ё ба воситаи миёнарав гирифтани пора) гунаҳкор дониста, ӯро ба муддати 2,5 соли зиндони реҷаи умумӣ маҳкум кард.
Додгоҳ ҳамчунин Каримовро аз ҳуқуқи ишғоли мансабҳои роҳбарӣ дар мақомоти иҷроияи ҳокимият ва худидоракнии маҳаллӣ дар муддати 2 соли пас аз адои ҷазо низ маҳрум сохт.
Бино ба маълумоти мақомоти додгоҳи вилояти Суғд, дар зарфи шаш моҳи соли равон кормандони мақомот 16 ҳодисаи ришваситонӣ аз ҷониби шахсони мансабдорро ошкор сохтаанд.
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Кулли ахбор
Авторизуйтесь, пожалуйста