Прокуратураи генералии Тоҷикистон оид ба далели сӯхтор дар бозори фурӯши яклухти «Корвон», ки 5-уми сентябри соли равон ба вуқӯъ пайваст, парвандаи ҷиноӣ боз намуд.
Бино ба маълумоти АМИТ «Ховар» бо истинод ба маркази иттилоотии Прокуратураи генралии ҶТ, парвандаи ҷиноӣ мутобиқи моддаҳои 192 қ. 3 (Вайрон кардани қоидаҳои зидди сӯхтор), 322 қ. 2 (Хунукназарӣ) ва 309 қ. 1 (Тахрибкорӣ)-и КҶ Тоҷикистон боз шудааст.
Дар ҳамин ҳол, як манбаъ аз Сарраёсати оташнишонии ВКД Тоҷикистон ба ОИ «Азия-Плюс» хабар дод, ки мувофиқи натоиҷи ташхис, бозор аз ҷониби афроди алҳол барои тафтишот номаълум бо истифода аз сӯзишвории дизелӣ (солярка) оташ зада шудааст.
«Ташхис имкони аз расиши ноқилҳои барқӣ ё таркиши таҷҳизоти газӣ сар задани сӯхторро истисно мекунад», - таъкид доштанд дар хадамоти оташнишонӣ.
Дар иттилои Прокуратураи генералӣ зикр мегардад, ки айни замон тафтишоти пешакӣ оид ба ин парванда идома дошта, ҷиҳати муайян кардани шахсони ба ин амал дастдошта тадбирҳо андешида мешаванд.
Ёдрас мекунем, ки шоми 5-уми сентябр дар бозори фурӯши яклухти «Корвон» сӯхтор сар зада, он майдони беш аз 8 ҳазор метри мураббаъро фаро гирифт. Бар асари сӯхтор 1 нафар ҳалок ва чор нафари дигар ҷароҳат бардоштанд. Оташ 2 ҳазору 550 фурӯшгоҳҳоро нобуд сохта, ба соҳибкорон зарари ниҳоят зиёди моддӣ расонид.
Тавре ба ОИ «Азия-Плюс» соҳибмулки бозори «Корвон» Нуршед Машрабов хабар дод, имрӯз бозори фурӯши яклухт пурра барқарор гардида, комиссияи давлатӣ онро қабул кардааст ва шурӯъ аз дирӯз чанде аз соҳибкорон ба фаъолият дар он пардохтаанд.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Кулли ахбор
Авторизуйтесь, пожалуйста