Прокурори гарнизони ҳарбии Бохтар Наврӯз Тоҳирзода дар робита ба пешниҳоди Вазорати дифои кишвар доир ба таъини ҷазо барои нашру паҳни иттилоъи бардурӯғ дар бораи артиш ва маъракаи даъват, аз ҷумла сабти “облава“ изҳори норозигӣ кард.
Ӯ имрӯз, 14 июл дар ҳузури рӯзноманигорон гуфт, ки бо пешниҳоди вазорат шинос нест, вале дар Кодекси ҷиноятии Тоҷикистон барои расонидани хабари бардурӯғ моддаи махсус пешбинӣ шудааст.
“Аммо ҳарҷое ки қонуншиканӣ мешавад, бояд сабт ва баррасӣ шавад. Агар вобаста ба ҳолати иҳотагирӣ сабте дошта бошед, пешниҳод кунед, баррасӣ мекунем. Вале ба фикри ман, пешбинӣ кардани ҷазо барои сабти иҳотагарӣ лозим нест. Мо дар давлати демократӣ зиндагӣ мекунем ва бояд барои сабти қонуншиканӣ ва пешниҳоди он ҷавобгарӣ пешбинӣ нашавад”, - гуфт прокурори ҳарбӣ.
Ҳамчунин, Тоҳирзода иттилоъ дод, ки дар соли равон вобаста ба даъвати баҳорӣ 6 парвандаи ҷиноятӣ оғоз ва тафтиш шуда, ба суд ирсол гардидааст, ки суд нисбати ҳамаи ин ҳолатҳо ҳукм содир шудааст.
“Ба таври мисол, дар давраи даъвати баҳории соли 2022 прокуратураи гарнизони ҳарбии Бохтар нисбати корманди комиссариати ҳарбии ноҳияи Кӯшониён барои иҳотагирӣ (облава) бо моддаи 391 парвандаи ҷиноятӣ оғоз кардааст, ки тафтишоти пешакӣ идома дорад”, - мисол овард Тоҳирзода.
Ёдовар мешавем, ки Вазорати дифоъи Тоҷикистон пешниҳод кардааст, ки барои нашри маълумоту сабти навори бардурӯғу беасос дар мавриди артиш ва аз ҷараёни даъват, аз ҷумла сабти ҳолати сарбозшикор ё “облава” ҷазо таъин карда шавад.
Дар Тоҷикистон дар ду навбат, баҳор ва тирамоҳ ҷавонони аз 18 то 27-соларо барои хидмат дар артиш ҷалб мекунанд. Даъвати баҳории шаҳрвандон ба сафи Қувваҳои Мусаллаҳ аз якуми апрел оғоз ёфта, он то охири моҳи май идома меёбад ва даъвати тирамоҳӣ бошад, аз аввали моҳи октябр шурӯъ гардида, дар охири моҳи ноябр ба анҷом мерасад.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста