Додгоҳи вилояти Суғд Файзиддин Камолиддинов, як сокини шаҳри Исфараро барои ташкили гуруҳи ҷиноӣ ва куштори одам, ҷинояте, ки 25 сол пеш содир шуда буд, 13 сол аз озодӣ маҳрум намуд.
Дар ҳукми додгоҳ, ки дастраси мо шуд, таъкид мегардад, ки Файзиддин Камолиддинов, сокини ҷамоати деҳоти Сурхи шаҳри Исфара, соли 1998 бо мақсади “ба даст овардани маблағ ва ҷазо додани шахсони зидди ислом рафтордошта” гуруҳи мусаллаҳ ташкил карда, даст ба ҷиноятҳои вазнин задааст.
Ин гуруҳ дар шаҳри Исфара ва атрофи он ҷиноятҳои худро содир кардаанд.
Аз ҷумла, дар ҳукм таъкид мешавад, ки Файзиддин Камолиддинов ва аъзои дигари гуруҳи муташаккили ҷиноии ӯ бо мақсади ба даст овардани маблағи ду нафари аз Русия баргашта нақшаи ҷиноятӣ таҳия карда, аммо баъдан онҳоро аз назар дур мекунанд ва 4 нафари дигарро дар ҳудуди шаҳраки Нурафшон (собиқ шаҳраки КИМ)-и роҳи Конибодом – Исфара, бо баҳонаи “содир кардани рафтори зидди ислом”, яъне ишқварзӣ дар канори роҳ, бо таппонча ба қатл мерасонанд.
Баъди ин ҷиноят, онҳо тавонистаанд барои муддати дароз аз мақомот пинҳон шаванд. Аммо бо гузашти 25 сол аз ин ҷиноят, мақомот тавонистаанд шахсияти Файзиддин Камолиддиновро муайян ва ӯро боздошт кунанд.
Дар ин байн Файзиддин Камолиддинов тавонистааст чандин сол дар Русия зиста, шаҳрвандии ин кишварро дастрас кунад.
Ҳамин тавр, Додгоҳи вилояти Суғд Файзиддин Камолиддиновро бо моддаҳои 74 (таъсиси гуруҳи муташаккили ҷиноӣ), 156 қисми 2 ва чанд банди моддаи 104 (одамкушӣ) Кодекси ҷиноятии Ҷумҳурии Тоҷикистон (таҳрири соли 1961) гунаҳкор дониста, ба 13 соли зиндон маҳкум кардааст.
Зикр мешавад, ки ҳаммаслакони ӯ ҷустуҷӯ мешавад.
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Кулли ахбор
Авторизуйтесь, пожалуйста