Додситонии вилояти Хатлон давоми соли 2023 барои роҳ додан ба қонуншиканӣ зимни пешбурди таҳқиқу тафтиши парвандаҳо 200 корманди мақомоти ҳифзи ҳуқуқи вилоятро муҷозоти интизомӣ кардааст.
Дар ин бора Аваз Назарзода, додситони навтаъини вилояти Хатлон зимни нишасти матбуотӣ хабар дод.
“Зимни санҷишҳои прокурорӣ 353 ҳолатҳои аз қайд пинҳон кардани ҷиноят ошкор карда шуд. Баъди тафтиши ҷиноятҳои пинҳонкардашуда 140 парвандаи ҷиноятӣ боз шуда, баъди ба анҷом расидани тафтишоти пешакӣ, барои баррасӣ ба суд ирсол гардид”, - гуфт Аваз Назарзода.
Аммо ӯ аз ҳеҷ як корманди мақомоти ҳифзи ҳуқуқ ном набурд ва ҳам шарҳ надод, ки кадом навъи ҷиноятҳо пинҳон карда шудаанд.
Дар умум, ба қавли Аваз Назарзода, соли 2023 дар вилояти Хатлон 5 ҳазору 903 ҷиноят ба қайд гирифта шудааст, ки дар қиёс ба соли 2022 443 ҷиноят ё 7 дарсад камтар аст.
![](https://asiaplustj.info/sites/default/files/articles/333794/%D0%90%D0%B2%D0%B0%D0%B7%20%D0%9D%D0%B0%D0%B7%D0%B0%D1%80%D0%B7%D0%BE%D0%B4%D0%B0.jpg)
Бояд гуфт, ки фаъолияти мақомоти ҳифзи ҳуқуқ дар ҷаласаи Шӯрои амнияти кишвар, ки 19-уми январи соли 2023 баргузор шуд, аз ҷониби Эмомалӣ Раҳмон, раиси ҷумҳури Тоҷикистон мавриди интиқоди шадид қарор гирифт.
“Сатҳи пасти касбӣ, ноуҳдабароӣ нисбат ба иҷрои вазифаҳои хизматӣ, роҳ додан ба ҳолатҳои коррупсионӣ, зиёд шудани ҷиноятҳои дорои хусусияти экстремистиву террористӣ, қочоқи маводи мухаддир, даст задани баъзе кормандони мақомоти ҳифзи ҳуқуқ, назоратӣ ва сохторҳои низомӣ ба қочоқи маводи нашъаовар ва молу маҳсулот, ба кор қабул намудани шахсони тасодуфӣ ва ғайрикасбӣ дар сафҳои мақомот, интихобу ҷобаҷогузории нодурусти кадрҳо аз ҷониби роҳбарони мақомот аз масъалаҳои муҳиме буданд, ки дар ҷаласаи Шурои амният мавриди муҳокимаи ҷиддӣ қарор гирифтанд”, - гуфта мешуд дар хабари хадамоти матбуоти президент.
Дар пайи ин чандин роҳбари мақомоти ҳифзи ҳуқуқи вилояти Хатлон иваз шуданд. Аз ҷумла, сардорони раёсати ВКД, раёсати КДАМ, додситонии вилоят, раёсати Агентии зиддифасод аз вазифаҳои худ маҳрум шуда, ба ҷойи онҳо нафарони нав таъин гардиданд.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста