Душанбе. 18-уми июл. «Азия-Плюс» — | Вазири корҳои хориҷии Тоҷикистон Ҳамрохон Зарифӣ имрӯз дар ҷамъи рӯзноманигорон изҳор кард, ки зимни сафари президенти Русия Дмитрий Медеведев ба Тоҷикистон моҳи сентябри соли равон имзои Созишномаи дуҷониба миёни кишврҳо оид ба масоили марзӣ дар назар аст.
Дар идома вазир таъкид кард, ки имзои созишномаи мазкур маънои онро надорад, ки марзбонони рус ба муҳофизати марзҳои Тоҷикистон бармегарданд. «Дар ин созишнома масоили роҳандозии ҳамкории мутақобила дар муҳофизати сарҳад, ҳузури шумори начандон зиёди мушовирони нерӯҳои марзбонии Русия дар Тоҷикистон, ки имрӯз ҳам фаъолият доранд, пешбинӣ мегардад», - гуфт вай.
Дар робита ба масъалаи ҳузури пойгоҳи низомии 201-уми Русия дар қаламрави ҷумҳурӣ ва иҷораи фурудгоҳи Айнӣ аз ҷониби Русия, Ҳ.Зарифӣ чунин ибрози андеша намуд, ки гуфтушунидҳо перомуни ин масоил шурӯъ аз соли 2008 «ба таври созандаву бидуни эҳсосот» идома доранд. «Имрӯз ба қаламрави ҷумҳуриро баҳри бунёди пойгоҳҳои низомӣ ба кишварҳои хориҷӣ ройгон додан зарурате мавҷуд нест», - изҳор дошт ӯ.
Дар шарҳи овозаҳои чанде аз ВАО перомуни дар қаламрави Тоҷикистон ҷойгир кардани пойгоҳҳои низомии ИМА, вазири корҳои хориҷии ҷумҳурӣ гуфт, роҷеъ ба ин масъала Тоҷикистон ҳеҷ гоҳ бо ИМА гуфтушуниде накардааст ва ояндаи наздик низ аз он интизорӣ намеравад. «Агар сохтмони маркази таълимии Гвардияи миллии Тоҷикистон дар водии Қаратоғ, ки бо дастгирии молиявии ИМА сохта мешавад, дар назар бошад, пас метавонам бигӯям, ки он моликияити истисноии Тоҷикистон мебошад», - афзуд Ҳ.Зарифӣ.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Кулли ахбор
Авторизуйтесь, пожалуйста