Душанбе. 119-уми июл. «Азия-Плюс» — | Раиси Ҳизби наҳзати исломии Тоҷикистон (ҲНИТ) бо даъвати ҳизби Саодати Туркия ба Анкара пойтахти ин кишвар сафар кард ва дар анҷумани он иштирок ва суханронӣ намуд.
Тавре аз кароргоҳи ҲНИТ хабар доданд, ин анҷуман баъд аз даргузашти раҳбари машҳури ин ҳизб яъне Наҷмиддин Арбакон аввалин анҷуман ва муҳим барои ҳаёти ин ҳизб ба шумор мерафт. Раиси ҷадиди ин ҳизб, доктор Мустафо Камалак интихоб шуд ва раёсати ин ҳизб низ дар анҷуман аз тарафи вакилон интихоб шуданд.
Раиси ҲНИТ зимни суханронии худ рис ва раёсати ҳизбро табрик намуд ва аз раҳбари фақиди ин ҳизб устод Арбакон ёдоварӣ намуд. Раиси ҲНИТ таъкид кард, ки рози муваффақияти ҳизби Саодат дар оянда, пайравӣ аз мактаб ва андешаи устод Арбакон хоҳад буд.
М . Кабирӣ дар идомаи суханони худ оғози марҳилаи ҷадидро барои ҳизби Саодат бисёр ҳассос ва муҳим арзёбӣ намуд ва таъкид кард, ки ваҳдат ва тафоҳум метавонад ҳизбро аз ин марҳила ба осонӣ берун барад. Вай аз таърихи ҲНИТ ва даргузашти Устод Сайид Абдуллоҳи Нурӣ ёдовар шуд ва таъкид намуд, ки танҳо ваҳдат ва ҳамдигарфаҳмии дохилӣ буд, ки моро ҳифз кард. Маҳз бо баракати ваҳдати дохилӣ ҲНИТ тавонист ин марҳилаи ҳассосро пушти сар бигзорад.
Дар охир раиси ҲНИТ раёсати ҳизби Саодатро барои ширкат дар анҷумани 9-уми Ҳизби Наҳзати Исломии Тоҷикистон, ки қарор аст 24 –уми сентябр баргузор гардад, даъват намуд
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста