Дар конфронси панҷуми ҳамкории иқтисодии минтақавӣ оид ба Афғонистон (RECCA-V), ки рӯзҳои 26-27-уми март дар шаҳри Душанбе доир мегардад, президенти Эрон Маҳмуди Аҳмадинажод ширкат хоҳад варзид.
Тавре ба ОИ «Азия-Плюс» аз намояндагии дипломатии Эрон дар шаҳри Душанбе хабар доданд, дар ҳошияи сафари Аҳмадинажод ба Тоҷикистон гуфтушуниди ӯ бо президенти Тоҷикистон Эмомалӣ Раҳмон ва дигар мансабдорони воломақоми давлатӣ ва ҳамчунин иштирок дар чорабиниҳои идонаи наврӯзӣ дар «Наврӯзгоҳ»-и шаҳри Душанбе дар назар аст.
«Ғайр аз ин, президенти Эрон дар шаҳри Душанбе маркази фарҳангии эронии «Хонаи Эрон»-ро боз мекунад, - гуфт манбаъ.
Бино ба иттилои сарчашма, Маҳмуди Аҳмадинажод ҳамчунин дар маросими мавриди истифода қарор гирифтани чанде аз корхонаҳои муштараки Тоҷикистону Эрон низ иштирок хоҳад кард, вале манбаъ мушаххасан дар бораи ин корхонаҳо маълумот надод.
Қаблан хабар дода будем, ки иштирок дар кори конфронсро сарони кишварҳои Афғонистону Покистон Ҳомид Карзай ва Алӣ Осиф Зардорӣ тасдиқ карданд.
Бино ба маълумоти кумитаи тадорукоти конфронс, ба кори конфронс намояндагони 40 кишари ҷаҳон дар сатҳи вазирони корҳои хориҷӣ ва намояндагони 33 созмонҳои байнулмилалӣ даъват шудаанд Дар ҷараёни кори конфронс як қатор лоиҳаҳо оид ба энергетика, саноат, сохтмони роҳҳо, омодасозии кадрҳо барои Афғонистон муаррифӣ хоҳанд шуд.
Тибқи маълумоти Агентии омори назди ҳукумати ҶТ, ҳаҷми муомилоти молӣ миёни Тоҷикистону Эрон дар соли 2011 беш аз 204, 1 млн. доллари ИМА-ро ташкил додааст. Дар зарфи ду моҳи соли равон ин нишондиҳанда ба ҳудуди 29 млн. доллари ИМА баробар шуд.
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Кулли ахбор
Авторизуйтесь, пожалуйста