Президенти Ҷумҳурии Тоҷикистон Эмомалӣ Раҳмон ҷиҳати анҷом додани сафари корӣ ба Украина сафар кард.

Тавре аз хадамоти матбуоти сарвари давлат иттилоъ доданд, дар ин сафар сарвари давлатро мушовири давлатии Президенти Ҷумҳурии Тоҷикистон оид ба сиёсати хориҷӣ Эркин Раҳматуллоев, мушовири давлатии Президенти Ҷумҳурии Тоҷикистон оид ба сиёсати кадрҳо Абдуҷаббор Азизов, раиси кумитаи ҷавонон, варзиш ва сайёҳӣ Маликшо Неъматов, сафири фавқулодда ва мухтори Тоҷикистон дар Украина Шуҳрат Султонов ва дигар шахсони расмӣ ҳамроҳӣ мекунанд.

Бино ба маълумоти интишоркардаи хадамоти матбуоти президенти Украина, имрӯз 2-юми июл, гуфтушуниди Эмомалӣ Раҳмон бо президенти Украина Виктор Янукович баргузор мешавад.

Дар ҳамин ҳол, бино ба иттилои Федератсияи футболи Тоҷикистон, бо даъвати президенти УЕФА Мишел Платини президенти Федератсияи футболи ҷумҳурӣ Рустами Эмомалӣ дар вохӯрии финали Чкмпионати Аврупо оид ба футбол иштирок кардааст. Дар ин вохӯри дастаи Испания бар дастаи Италия бо ҳисоби 4 бар 0 дастболо шуд.

Тибқи хабари ВАО-и Украина сарвари давлати Тоҷикистон Эмомалӣ Раҳмон низ дар вохӯрии ниҳоӣ ҳузур доштааст.